Shymbulaqta ornalasqan meiramhananyń ákimshisi qazaqsha qyzmet kórsetýden bas tartyp, halyqtyń ashýyna tidi, dep habarlaidy Dalanews.kz.
Oqiǵa taý-shańǵy kýrortynda ornalasqan Gusto meiramhanasynda bolǵan. Bul týraly áleýmettik jeli qoldanýshysy paraqshasynda jazǵan.
"A che razve eto problema, chto esli zdes nikto ne govorit na kazahskom?". Osy sózdi men Shymbulaqtaǵy Gusto meiramhanasynyń administratorynan estidim. Administratordyń esimi - Elena. Men óte sabyrly túrde bir ǵana suraq qoidym: meiramhanada qazaq tilinde sóileitin daiashy bar ma dep.Jaýap retinde - boqtyq, qorlaý jánede keiin artynan mynadai da sózder aityldy: - "Ia rodilas v SSSR i ne obiazana govorit i obslýjivat na kazahskom iazyke" - "Mne kazahskii iazyk ne nýjen", - deidi jazba avtory (bakhytzhanoff).
Onyń sózinshe, meiramhana ákimshisi máseleni sheshýdiń ornyna arandatyp, janjaldy ýshyqtyrǵan. Osylaisha jazba avtory bolǵan jaitty videoǵa túsire bastaǵan.
"Tipti meni qýyp shyǵarýǵa tyrysyp, fizikalyq áreketke deiin bardy.Odan keiin politsiia shaqyryldy. Sonyń saldarynan men shamamen 3 saǵat ýaqytymdy joǵalttym, al týristerim sýyqta meni kútip qaldy. Oqiǵany rastaityn video bar, sondai-aq bárin rastai alatyn basqa kýáger de bar", - deidi ol.
Jazba avtory bul jaǵdai kez kelgen jerde emes, elimizdiń imidji qalyptasatyn týristik aimaqta bolǵanyn, al memlekettik tildi qorlaý - bul jeke pikir de, usaq másele de emes ekenin atap ótti.
"Mundai jaǵdaiǵa kóz juma qaraýǵa bolmaidy", - deidi jazba avtory.
Al meiramhana ókilderi bul jaitqa pikir bildirmegen. Biraz ýaqyt buryn olardyń áleýmettik jelidegi paraqshalary ashyq bolǵan. Osy oqiǵadan keiin olar paraqshasyn "jaýyp" tastaǵan.
Qaznet reaktsiiasy
Jeli qoldanýshylary bul jazbaǵa túrli pikir jazyp, oiyn aitqan.
"Al endi tek qazaq tilin biletin adamdardyń kúiin oilap kórińizder (olar ózge tildi bilýge mindetti emes). Sonda olar óz elinde qyzmet alyp, tapsyrys bere almai ma. Sonda qazaqtar ǵana eki til bilip, basqalary bilmeýi kerek pe? Olai bolmaidy. Naǵyz til máselesi kóterile bastady. Kesh bolmai turǵanda osy máseleni sheshý kerek. Saldary jaman bolýy múmkin. Bizdiń bilik bul máseleni elemei, kerisinshe, odan beter jaman qylyp otyr".
"Bizdiń elde eki til bar" degen ustanym nege ekeni belgisiz, qazaqtardy oryssha sóileýge mindetteidi de, al orystardy qazaqsha sóileýge mindettemeidi. Birtúrli paradoks"
