Osy kúnderi jas ánshi Qýandyq Rahym Aqtóbe oblysynyń aýdandaryn aralap, konsert berip júr. Búgin Temir aýdanynyń ortalyǵy Shubarqudyq aýylynda óner kórsetedi.
«Barlyǵy oıdaǵydaı. Zal lyq toly. Aýyldyq jerlerge baǵany tómen qylyp belgiledik. Kúnine eki konsertten berip kele jatyrmyz. Qasymda prodúserim Janna Ábýova bar. Osynda Maqsat esimdi uıymdastyrýshy jigit kómektesip júr», – dedi ánshi Aktobenews.kz tilshisine.
Kúni keshe Qýandyqtyń konserti Qandyaǵash qalasynda ótti. Ánshi ol jerde sahnadaǵy áriptes aǵasy Luqpan Joldasovtyń «egizi» Nurlanbek Búrkitpen túsken fotosyn áleýmettik jelidegi paraqshasyna júktedi.
«Qyzyqqa toly Aqtóbem-aı! Ulyqpan aǵanyń egizi bar eken munda», – dep jazǵan ánshi ınstagramdaǵy paraqshasynda.
Aıta keteıik, 10-20 shilde aralyǵynda Aqtóbe oblysynyń 20-ǵa tarta eldi mekeninde konsert beredi.
«Qalaı da» atty án keshi 20 shilde kúni Aqtóbe qalasynyń Stýdentter saraıynda ótedi.
