Túrkistan oblysynda Belarýsten kelgen týristerden 200 myń teńge talap etti degen kúdikke ilingen politsiia qyzmetkerlerine qylmystyq is qozǵaldy. Bul týraly Májilis dálizinde jýrnalisterge ishki ister ministriniń orynbasary Igor Lepeha málimdedi, – dep habarlaidy Dalanews.kz.
Mán-jai
Oqiǵa Shymkent–Samara tasjolynyń boiynda bolǵan edi. Belarýsten kelip saiahattap júrgen blogerler áleýmettik jelide jariialaǵan videosynda jergilikti politseilerdiń eshbir negizsiz 200 myń teńge (shamamen 400 dollar) aqsha talap etkenin aitty.
Týristerdiń sózine qaraǵanda, politseiler olardy «qazaqstandyq tehnikalyq baiqaýdan ótpedińder, kameraǵa tústińder» dep aiyptaǵan, biraq naqty aiǵaq pen dálel kórsetpegen.
"Barlyq qujattarymyz durys, eshqandai ereje buzbadyq. Biraq olar 200 myń teńge tóleýdi talap etti. Bizge shekaraǵa deiin eshkim timeidi dep sendirdi. Bas tartýǵa múmkindik qalmady, amalsyz tóledik", – deidi belarýstik týrister.
Ishki ister ministrliginiń reaktsiiasy
Alǵashynda Túrkistan oblystyq Politsiia departamenti bul oqiǵaǵa qatysty shaǵym túspegenin málimdegen bolatyn.
Degenmen áleýmettik jelide daý týdyrǵan bul jait boiynsha qylmystyq is qozǵalyp, kúdikke ilingen qyzmetkerler jumystan bosatylǵan. Sonymen qatar, osy politseilerdiń tikelei basshylaryna qatysty qyzmettik tekseris bastaldy.
