Astana ákiminiń burynǵy orynbasary Qanat Sultanbekov pen Astana LRT burynǵy basshysy Talǵat Ardanǵa qatysty qylmystyq iste jańa derekter bar, - dep habarlaidy Dalanews.kz
Bul jónindegi Antikordyń resmi ókili Daniiar Begaidarov málimdedi. Alaida Sybailas jemqorlyqqa qarsy qyzmet BAQ-qa bul jóninde ázirge ashyp aita almady.
Begaidarovtyń sózinshe, qylmystyq iste alǵa jyljý bar.
"Belgili bir aqparat, belgili bir qozǵalys bar, biraq izdeý jalǵasyp jatyr. Ókinishke qarai, buqaralyq aqparat quraldaryna jariialaityn jańartylǵan aqparat ázirge joq. Jańa aqparat bolǵanda, habarlaimyz", - dedi agenttik ókili brifingte.
Buǵan deiin Bas prokýrordyń orynbasary Áset Shyndaliev Astanadaǵy LRT qurylysy kezinde qarjy jymqyrdy degen aiyppen sottalǵandardy quqyq qorǵaý organdary nege Qazaqstanǵa qaitara almaitynyn túsindirýge tyrysty.
Sheneýniktiń málimetinshe, Interpol «Astana LRT» jaýapkershiligi shekteýli seriktestiginiń burynǵy basqarma tóraǵasy Talǵat Ardan men Astana ákiminiń burynǵy orynbasary Qanat Sultanbekovti izdestirip jatyr.
