Premer-ministr Oljas Bektenov Úkimet otyrysynda lokalizatsiialaý qarqynyn arttyrý, onyń ishinde jeke avtokólik brendterin qalyptastyrý baǵytyndaǵy jumystyń mańyzdylyǵyn atap ótti. Bul ekonomikanyń damýy úshin de, Qazaqstannyń bedelin arttyrý turǵysynan da mańyzdy, dep habarlaidy dalanews.kz.
Premer-ministr otandyq avtomobil bolat óndirisin igerý jobasynyń strategiialyq mańyzdylyǵyn basa aitty.
"Negizgi mindet – qunnyń barynsha kóp bóligin el ishinde saqtaý úshin lokalizatsiialaý deńgeiin barynsha tereńdetý. Memlekettik qoldaýy jáne biznestiń belsendi qatysýymen osy baǵytta, sonyń ishinde ózimizdiń avtomobil brendterimizdi damytý boiynsha júieli jumys isteýimiz kerek. Bul ekonomika turǵysynan da, elimizdiń bedelin arttyrý turǵysynan da óte mańyzdy.
Biz birlesip jaqsy nátijege qol jetkizýimiz kerek. Avtomobil bolaty óndirisi strategiialyq mańyzǵa ie. Bizdiń múmkindikterimiz bola tura, ondaǵan jyldar boiy elimizde avtomobil bolaty óndirisin jolǵa qoia almaǵanymyz tańǵaldyrady. Sondyqtan bul (avtomobil bolaty óndirisi boiynsha) jobany, sondai-aq Qarmet kompaniiasyn jańǵyrtýdyń aýqymdy baǵdarlamasyn qoldaimyz. Munda bolat zaýyty men avtomobil ónerkásibi arasynda tiimdi yqpaldastyq qalyptasyp otyr. Úkimet tarapynan qoldaý kórsetiledi", - dep atap ótti Premer-ministr.
