Májilis depýtaty Edil Jańbyrshin Parlament palatalarynyń birlesken otyrysynyń kýlýarynda LGBT nasihatyna zańmen shekteý engizý máselesi qarastyrylyp jatqanyn aitty.
Úkimettik emes uiymdardyń jasaǵan zertteýine kúmán keltirýge bolmaidy dep oilaimyn. Sebebi sarapshylar zertteýlerin arnaiy komissiiaǵa kelip aitty. Shynynda bizde LGBT ókilderiniń nasihaty bar ekeni ras. Ony ózimiz de kórip otyrmyz. Ásirese áleýmettik jelilerde belsendi jumys isteidi. Ózderiniń sol qaýymdastyqtyń ókili ekenin ashyq túrde jariialap, úgit jumystaryn júrgizip otyr, - dedi depýtat.
Onyń aitýynsha, LGBT ókilderi aktsiialar da uiymdastyryp júr.
– Eger jeke basyńyzdyń máselesi bolsa, túsinemin. Ony qoǵamǵa jariia etpei, óz baǵytyńyzda júrýińiz kerek dep oilaimyn. Al endi sol qaýymdastyqtyń (LGBT – red.) ókili ekenińizdi, sondai baǵytta júrgenińizdi BAQ nemese áleýmettik jelini paidalanyp jariialaý úgit-nasihat dep esepteimin. Bul birinshi kezekti óskeleń urpaqqa áserin tigizedi. Adamdar óziniń baǵytynan aiyrylyp, kim ekeninen shatasady, – dep sanaidy Edil Jańbyrshin.
Májilis depýtatynyń aitýyna qaraǵanda, halyqaralyq zertteýler LGBT qaýymdastyǵy ókilderiniń sýitsidke baratyny jáne psihologiialyq kúizeliske jii ushyraitynyn kórsetip otyr.
«Biz nasihatqa qarsymyz jáne ony zańmen bekitý kerek dep sanaimyz», – dep aitty Edil Jańbyrshin kýlýarda.
Depýtattar LGBT nasihatyn ashyq túrde jariialaýǵa zań aiasynda shekteý engizbek. Jańbyrshinniń sózinshe, depýtattar zańgerlermen birge zańǵa tiisti normalar qarastyryp jatyr.
