Týrizm jáne sport ministri Erbol Myrzabosynov legionerlerge qatysty suraqqa jaýap berdi, - dep habarlaidy Dalanews.kz.
Sheneýnik elde endi legionerlerdi tek demeýshiler qarjylandyratynyn aitty.
"Búgingi kúni jańa zańnama aiasynda legionerlerge memlekettik jáne kvazimemlekettik baǵytta qarajat bólinbeidi. Ulttyq quramada legionerler joq. Kóbine klýbtyq júielik máseleler. Fýtbol, hokkei klýbtarynda legionerler bar. Olarǵa zańǵa qol qoiylǵaly beri qarajat bólinbeidi. Tek kásiptik, demeýshiler esebinen qarjy bólinedi", - dedi ol Ulysmedia-ǵa.
Ministrdiń sózinshe, bul qarjy basqa baǵyttarǵa jumsalady.
"Kóp klýbta demeýshilik qarajatqa legionerler jumys isteidi. Búgingi tańda álemdik, respýblikalyq arenada bolsyn, básekelestik ornatqysy kelse, tek demeýshiler esebinen qarjylandyrylady", - dep jaýap berdi ministr Ulysmedia-ǵa.
Eske salaiyq, jýyrda Memleket basshysy "Qazaqstan Respýblikasynyń keibir zańnamalyq aktilerine dene shynyqtyrý jáne sport, sondai-aq, artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń zańyna qol qoidy. Bul zańǵa sáikes endi sheteldik legionerlerdi halyq asyramaidy.
"Sheteldik legionerlerdi biýdjetten jáne kvazimemlekettik sektor sýbektileriniń qarajaty esebinen qarjylandyrýǵa tyiym salynady", - dep jazylǵan habarlamada.
Budan bylai biýdjet qarajaty tek tórt baǵytqa:
- joǵary jetistikter sportyna, onyń ishinde sporttyń basym túrlerine,
- memlekettik dene shynyqtyrý-sport uiymdarynyń qyzmetine,
- buqaralyq sportqa,
- sporttyq infraqurylymdy damytýǵa jumsalady.
