Depýtat Amanjol Áltai Májilis dálizinde Qazaqstannyń Halyq ártisi ataǵyn alǵan Álisher Kárimovke qatysty pikir bildirdi,– dep habarlaidy Dalanews.kz.
Amanjol Áltai ánshi Álisher Kárimov "bul ataqqa laiyq emes" degen pikirde.
"Álisher men moiyndaityn ánshilerdiń sanatynda emes. Sondyqtan Álisherge Halyq ártisin berý aqylǵa qona qoimaidy. Laiyq emes dep oilaimyn. Laiyqty tulǵalar bar. Halyqtyń reaktsiiasyn baiqap otyrsyzdar ǵoi. Halyq ártisi Qairat Baibosynovqa Eńbek eri berilgenine búkil ult bolyp qýanyp jatyr. Osyndai tulǵalar bolýy kerek dep oilaimyn. Qazaq ónerinde Halyq ártisi degen ataqqa laiyq ánshilerimiz, Qudaiǵa shúkir, barshylyq. Mysal úshin Klara Tólenbaeva sekildi ánshilerimiz Halyq ártisin alýǵa ábden laiyq dep oilaimyn", - dedi depýtat.
Aita keteiik, keshe Prezident Jarlyǵymen ulttyq mádenietti damytýǵa jáne nasihattaýǵa qosqan airyqsha úlesi, mádeniet salasyndaǵy asa úzdik jetistikteri jáne Qazaqstan Respýblikasyna sińirgen eńbegi úshin bir top azamat memlekettik nagradalarmen marapattaldy.
Sonymen qatar, Memleket basshysynyń jarlyǵymen Qairat Áýkenuly Baibosynovqa "Qazaqstannyń Eńbek Eri" ataǵy berildi.
