Kipr biligi Reseidiń oligarhtaryna bergen «Altyn pasporttaryn» qaitaryp aldy
Investitsiia quiǵany úshin beriletin altyn pasporttar kásipker Oleg Deripaskadan, «Merkýrii» kompaniialar tobynyń prezidenti Igor Kesaevtan, «Komsomolskaia pravda» men RBK media-holdinginiń qojaiyny Grigorii Beriozkinnen jáne Álisher Ýsmanovtyń qaryndasy Gúlbahor Ismailovadan, sonymen birge olardyń 11 týysynan qaitarylady.
Málimetterge qaraǵanda, Deripaska Kipr azamattyǵyn 2017 jyly, Ismailov 2015 jyly, Berezkin men Kesaev 2012 jyly alǵan.
Sáýir aiynyń ortasynda Kipr úkimeti Reseidegi tórt milliarder men olardyń otbasylarynyń 17 múshesiniń Kipr azamattyǵyn joiý isin bastady.
Resei prezidenti Vladimir Pýtinniń senimdi adamdaryn EO sanktsiiasy tizimine qosqan. «Filelefteros» gazetiniń málimetinshe, Kipr azamattyǵynan airylatyndar arasynda Mihail Gýtseriev, Aleksandr Ponomarenko, Vadim Moshkovich jáne Aleksei Kýzmichiov bar. Ýkrainadaǵy soǵys bastalardan buryn Forbes jýrnaly olardyń bailyǵyn shamamen 16 milliard dollarǵa baǵalaǵan.
Reuters agenttiginiń habarlaýynsha, 6779 shetel azamaty altyn pasport baǵdarlamasy boiynsha Kipr azamattyǵyn alǵan, solardyń 2886-sy – reseilik. Kipr biligi investitsiia salǵany úshin azamattyq alǵan taǵy 1100 adamdy tekserip jatyr.
