Kievte qazaqstandyq jýrnalist Aidos Sadyqovqa qastandyq jasaldy, - dep habarlaidy Dalanews.kz.
Bul týraly ýkrainalyq BAQ-tar habarlai bastady.
"Aldyn ala boljam boiynsha, Kievte Aidos Sadyqovqa qastandyq jasaldy. Ol - qazaqstandyq jýrnalist, "BASE" oppozitsiialyq internet portalynyń basshysy. Jaǵdaiy aýyr", - dep jazylǵan "BAIRAKTAR NEWS" telegram arnasynda.
Buǵan deiin telegram arna Kievtiń Shevchenskii aýdanynda atys bolǵanyn jazǵan. Basylym málimetinshe, turaqta turǵan kólikte er adam áielimen otyrǵan. Belgisiz bireý kelip, er adamdy atyp jiberip, qashyp ketken. Áiel adam jaraqat almaǵan.
Jýrnalist Natalia Sadyqovanyń sózinshe, Aidos Sadyqovqa úiiniń mańynda qastandyq jasalǵan.
Aita keteiik, Aidos Sadyqov Ýkrainada resmi bosqyn mártebesin alǵan. 2023 jyldyń qazan aiynda Sadyqovqa Qazaqstanda "áleýmettik, ulttyq, rýlyq, tektik-toptyq nemese dini alaýyzdyqty qozdyrǵany" úshin izdeý jariialanǵan bolatyn.
