Memleket basshysy Qasym-Jomart Toqaev Qazaqstan halqy Assambleiasynyń HHHIV sessiiasynda qazirgi saiasi ahýal týraly aitty, - dep habarlaidy Dalanews.kz.
Prezidenttiń aitýynsha, qazirgi kúrdeli jaǵdaidy jeke múddesine paidalanǵysy keletin túrli popýlister men saiasatkersymaqtar bar.
"El múddesine qastyq oilaǵan ondai adamdarǵa tutas qoǵam bolyp qarsy turýymyz kerek. Alda kúrdeli kezeń kele jatyr. Ońai bolmaidy. Biraq alańdaýǵa esh negiz joq. Men kóp jaǵdaida «Bul qiyndyq ta artta qalady» dep ashyq aitamyn. Sol sózimdi osy jerde taǵy qaitalaǵym keledi. Biz syn-qaterdiń bárin eńserip kelemiz. Bul joly da solai bolady. Eń bastysy, barynsha jinaqy bolyp, naqty nátijege umtylýymyz kerek. Kez kelgen aýqymdy daǵdarystan keiin zor múmkindikterge jol ashylady. Sol múmkindikterdi der kezinde ári durys paidalaný qajet. Óz kúshimizge ǵana arqa súiep, barlyq resýrsty ortaq maqsatqa jumyldyrýymyz kerek. Bos sózge urynyp, baibalamǵa salynbai, jasampaz bolǵanymyz abzal. Ár azamattyń boiynda jaýapkershilik sezimi óte joǵary bolýǵa tiis. Qoǵamda ózara tileýlestik bolýy kerek. Ár iste temirdei tártip bolýy qajet. Sonda elimiz de orasan zor tabysqa jetedi. Barshańyzǵa málim, Zań men tártip – meniń strategiialyq baǵdarymnyń arqaýy. Men ár sóilegen sózimde osy qaǵidattarǵa arnaiy toqtalamyn. Taza Qazaqstan, Zań men tártip, Adal azamat ideialarynyń ózegi de – osy", - dedi Toqaev.
