Bul týraly ol “Habar24” arnasyna ótken efirde aitty, dep habarlaidy Dalanews.kz.
"Biz koronavirýspen syrqattanýshylyǵymyzdy baqylap otyrmyz jáne ǵalymdardyń búkil jumys toby boljam jasaý ústinde. Iaǵni bul sońǵy eki aptadaǵy dinamikadaǵy naqty esepteýler, ol syrqattanýshylyq, onyń ishinde tósek júktemesiniń kórsetkishterin salystyrady.
Árine, biz eki apta saiyn boljam jasaimyz, boljamdarymyzdy qaita qarastyramyz.
Qazir bizde optimistik stsenariimen kúnine shamamen 6000-6100 jaǵdai bolýy múmkin dep boljap otyrmyz. Bul tamyz aiynda bolatyn órshý. Al táýligine naqty stsenariimen 9 myńǵa deiin jáne pessimistik stsenariimen 11 myńǵa deiin ósýi múmkin.
Biz osyndai boljamdardy keltiremiz, bizdiń tósek-oryn qorynyń múmkindigi qandai bolatynyn qaraimyz jáne bul jerde tiisti sharalar qabyldanýda", – dedi Tsoi.
Budan bólek Tsoi Qazaqstandaǵy karantindi qashan kúsheite alatynyn aitty.
"Iá, bul óte mańyzdy, eger biz tósek-orynǵa tolyp jatqanymyzdy kóretin bolsaq, onda biz qatań sharalar qabyldaýǵa jáne shekteý sharalaryn kúsheitýge májbúr bolamyz", – dep jaýap berdi Tsoi.
Ministr qazirgi ýaqytta 36 myń tósektiń 50 paiyzy qamtylǵanyn, al 24 myńǵa jýyǵy rezervte turǵanyn atap ótti.
"Iaǵni, bizde, shyn máninde, búgingi kúnnen bastap tósek qorynyń úsh ese múmkindigi bar. Pessimistik stsenariide (kúnine 11 myń infektsiia jaǵdaiy - shamamen – red.) bul tósek qory toltyrylady.
Biraq buǵan deiin jetkizbei, eger biz osy jol boiynsha damýdy kóretin bolsaq, biz, árine, aldyn alý sharalaryn engizip, qandai da bir qatań shekteýler qoiatyn bolamyz.
Qazirgi ýaqytta biz optimistik nemese naqty stsenarii boiynsha kóretin parametrlerde bári bar ekenin kóremiz", – dep jaýap berdi Tsoi.
