Qazaqstan Respýblikasynyń Syrtqy ister ministrligi Novorossiisk teńiz porty akvatoriiasynda halyqaralyq Kaspii qubyr konsortsiýmynyń asa mańyzdy infraqurylymyna baǵyttalǵan kezekti maqsatty shabýylǵa bailanysty narazylyq bildiredi, dep habarlaidy Dalanews.kz
QR SIM baspasóz qyzmeti habarlaǵandai, bul oqiǵa halyqaralyq quqyq normalarymen qorǵalatyn azamattyq nysanǵa qarsy jasalǵan úshinshi agressiialyq akti bolyp otyr.
Jahandyq energetikalyq naryqtyń jaýapty qatysýshysy retinde Qazaqstan energiia resýrstaryn turaqty ári úzdiksiz jetkizýdi qamtamasyz etýge erekshe mán beredi. Kaspii qubyr konsortsiýmy álemdik energetikalyq júieniń turaqtylyǵyn saqtaýda airyqsha oryn alatynyn atap ótemiz.
Osy oqiǵany Qazaqstan Respýblikasy men Ýkrainanyń ekijaqty qatynastaryna zalal keltiretin áreket retinde baǵalaimyz jáne ýkrain tarapy mundai jaǵdailardyń qaitalanýyna jol bermeý boiynsha naqty sharalar qabyldaitynyn kútemiz.
