Astana qalasynyń qylmystyq ister jónindegi aýdanaralyq soty asa iri mólsherde tabys alýmen ushtasqan, zańsyz kásipkerlik jasady dep aiyptalǵan kásipkerge qatysty isti qarady, dep habarlaidy Dalanews.kz.
“Sottalýshy “Astana” halyqaralyq qarjy ortalyǵynan tsifrlyq aktivter salasynda qarjylyq qyzmetter kórsetýge litsenziia almastan, tsifrlyq aktivter ainalymy boiynsha qyzmetke tyiym salynǵanyn anyq bile otyryp, 2022 jylǵy qyrkúiekten bastap 2024 jylǵy aqpanǵa deiingi kezeńde 615 375 063 teńgege USDT kriptovaliýtasyn satyp alǵan.
Ony odan ári aiyrbastaý pýnktiniń ainalym qyzmetinde paidalanyp, qamtamasyz etilmegen tsifrlyq aktivterdi qolma-qol aqshaǵa aiyrbastaý jónindegi zańsyz qyzmetti júzege asyrǵan. Osylaisha, asa iri mólsherde tabys tapqan”, - delingen aqparatta.
Sottalýshynyń kinási kýágerler aiǵaqtarymen, mamandar qorytyndylarymen jáne qylmystyq is boiynsha basqa da materialdarmen dáleldendi.
Prokýror aiypty qoldap, múlki tárkilenip, 2 jyl 6 aiǵa bas bostandyǵynan aiyrý jazasyn taǵaiyndaýdy surady. Sottalýshy kinásin ishinara moiyndady.
“Sot jas balalarynyń bolýyn jaýapkershilik pen jazany jeńildetetin mán-jai retinde tanydy. Aýyrlatatyn mán-jailar anyqtalǵan joq.
Sot úkimimen A. QK-niń 214-baby 2-bóliginiń 2) tarmaǵy boiynsha kináli dep tanylyp, múlki tárkilenip, 2 jylǵa bas bostandyǵynan aiyryldy”, - delingen sot úkiminde.
Sondai-aq, sottalýshy 5 jyl merzimge qamtamasyz etilmegen tsifrlyq aktivterdiń ainalymyna bailanysty qyzmetpen ainalysý quqyǵynan aiyryldy. Odan 615 375 063 teńge mólsherinde zańsyz alynǵan tabys jáne memleket kirisine óndirilgen somanyń 3% mólsherinde memlekettik baj óndirildi.
Sot aktisi zańdy kúshine engen joq.
