Áleýmettik jelilerde taraǵan «bankter qaryzdardy jappai keshiredi» degen aqparat shyndyqqa janaspaidy, dep habarlaidy Dalanews.kz.
Qarjy naryǵyn retteý jáne damytý agenttiginiń málimetinshe, ekinshi deńgeili bankterdegi kreditterdi jappai esepten shyǵarý týraly eshqandai sheshim qabyldanbaǵan.
«Áleýmettik jelilerde taraǵan bankterdegi kreditterdiń keshirilýi týraly aqparat shyndyqqa sáikes kelmeidi. Azamattardy jalǵan málimetterge senbeýge, tek resmi derekkózderge júginýge shaqyramyz. Sondai-aq ártúrli deldaldardyń “kómegine” júginbeýdi usynamyz. Ádeii jalǵan aqparat taratý zań boiynsha jaýapkershilikke ákeletinin eske salamyz», – dedi agenttik ókilderi.
Vedomstvonyń atap ótýinshe, búginde Qazaqstanda qaryz alýshylardyń banktermen, mikroqarjy uiymdarymen jáne kollektorlyq agenttiktermen ózara is-qimylyna arnalǵan biryńǵai júie jumys isteidi. Barlyq máseleler zań aiasynda osy júie arqyly sheshilýi tiis.
