"Biz aiyppuldar men ústemeaqyny qaita qarap, bárin shegerip tastadyq. Endi 300 myń teńgeniń jaiyna keletin bolsaq, bul jeńildikke ie bolatyn adamdardyń tizimin qarap, ony túzip shyqtyq.
Endi Úkimettiń aqsha bólgenin ǵana kútip otyrmyz. Ol aqsha qyrkúiektiń 2 túsýi kerek dep boljap otyrmyz, onda biz 5 qyrkúiekte áleýmettik osal topqa jatatyn adamdardyń nesiesinen 300 myń teńgeni shegere bastaimyz"
- dedi Ertai Sálimov.
Aita ketsek, buǵan deiin Qazaqstan Prezidenti Qasym-Jomart Toqaev jekelegen sanattaǵy azamattardyń qarjylyq jaǵdaiyn jaqsartý úshin memlekettiń belgili bir deńgeide kómektesetinin málim etip, Jarlyqqa qol qoiǵan.
Ol qujatqa sáikes, kóp balaly otbasylar, asyraýshysynan airylýyna bailanysty járdemaqy alatyn otbasylar, múgedek balalary bar otbasylar, 18 jastan asqan múgedekterge, memlekettik ataýly áleýmettik kómek alýshylarǵa, jetim balalar, ata-anasynyń qamqorlyǵynsyz qalǵan balalar nesielik amnistiiaǵa jatady.
