Dúniejúzilik kóshpendiler oiyndary direktsiiasynyń burynǵy basshysy Nail Nurov asa iri kólemde para aldy degen kúdikpen qamaýǵa alyndy. Qazirgi ýaqytta eks-sheneýnik Astanadaǵy tergeý izoliatorynda otyr, dep habarlaidy dalanews.kz.
Tergeý nusqasyna sáikes, Nurov Dúniejúzilik kóshpendiler oiyndaryna daiyndyq kezinde etnoaýyl qurylysyna qatysty kelisim jasaǵan. Quny 500 million teńgeden asatyn jobany júzege asyrǵan merdigerden keiin ol kelisimshart somasynyń 10 paiyzyn talap etken degen kúdik bar.
Tergeý barysynda quqyq qorǵaý organdary aqshanyń qolma-qol berilgenin rastaityn dálelder jinaǵan. Budan bólek, merdiger Nail Nurovtyń jeke paidalanýyna arnalǵan metall besedkany ornatý shyǵyndaryn da óz moinyna alǵany anyqtalǵan.
Aldyn ala málimet boiynsha, burynǵy direktor jalpy somasy keminde 40 million teńge kóleminde zańsyz syiaqy alǵan bolýy múmkin.
59 jastaǵy Nail Nurov buǵan deiin elimizdegi birqatar iri sporttyq jobalardy basqarǵan. Ár jyldary 2011 jylǵy Aziia oiyndaryn, 2017 jylǵy Ýniversiadany uiymdastyrýǵa jaýapty qyzmetter atqarǵan. Sondai-aq 2024 jyly ótken V Dúniejúzilik kóshpendiler oiyndaryn ótkizý jónindegi direktsiiany basqardy.
Sot kúdiktige qatysty eki ai merzimge qamaýda ustaý túrindegi bultartpaý sharasyn sanktsiialady.
Tergeý jalǵasyp jatyr.
