Bekshinniń sózderinshe, Ońtústik Koreiaǵa reister sany aptasyna toǵyzdan úshke deiin qysqarady. «1 naýryzǵa deiin azamattarǵa elge qaitýǵa múmkindik beremiz» dedi ol.
– Iranmen jaǵdai jeńil. Onda shamamen 170 azamatymyz bar. Olar da 1 naýryzǵa deiin qaitýy tiis. Túrkiia, Pákistan, Aýǵanstan, Oman sekildi elder qazir Iranmen áýe qatynasyn úzdi, – dedi bas dáriger.
Aqpan aiynyń basynda Qazaqstan Qytaimen shekarany jaýyp, áýe reisterin toqtatty.
Jandarbek Bekshinniń aitýynsha, Qazaqstanda koronavirýs indetin juqtyrǵandar tirkelgen joq.
Koronavirýs indeti álemniń 30 eline tarady. Virýsty juqtyryp jatqandardyń deni Qytaida. Dúniejúzilik densaýlyq saqtaý uiymy álem ázrge bul indetpen qarsy kúresýge daiyn emes dep málimdedi.
