– Qurmetti dostar! Qazir azamattardy koronavırýsqa qatysty jedel ári senimdi málimettermen aqparattandyrý – eń mańyzdy másele. Keı ýaqytta qoǵamdy aqparattandyrý men qarym-qatynastyń jetkilikti dárejede tıimdi bolmaı jatqanyn moıyndaý kerek.
Túrli aqparat quraldary, ásirese messendjerler arqyly jalǵan aqparattyń taralýy kóptegen qıyndyqtar týyndatýda. Osy oraıda coronavirus2020.kz saıtynyń iske qosylǵanyn habarlaımyn.
Bul resýrsta tótenshe jaǵdaı boıynsha, karantın kezindegi tártip pen memlekettiń koronavırýsqa qarsy jasap jatqan sharalary jóninde, sondaı-aq, jelide taraǵan jalǵan málimetterdi teriske shyǵarý jáne basqa da barlyq ózekti aqparattar jınaqtalady, – dep jazdy mınıstr Facebook paraqshasynda.
Saıtta sonymen birge aýrýdyń aldyn alý, belgileri, aýrýdyń alǵashqy belgileri baıqalǵanda jasalatyn áreketterdiń erejeleri jarıalanǵan jáne bul málimetter halyq paıdalanyp, taratý úshin ınfografıka, nusqaýlyq túrinde berilgen.
– Azamattar úshin saıtta arnaıy suraq-jaýap aıdary bolady, ol jerde árbir paıdalanýshy ózine qajetti saýalyna jaýap ala alady. Sizderden osy málimetti taratýdy jáne senimdi aqparat kózderine ǵana júginýdi suraımyn, – deıdi Dáýren Abaev.
