Olar kórkem tabiǵatymyzdy, ásem de kórnekti jerlerimizdi aralap, sulý taý tabiǵatymen jarasym tapqan qalanyń kelisti kelbetin aishyqtaityn beinebaian túsiredi. Tirshiligimizben bite qainasyp jatqan ulttyq erekshelikterimizge, salt-dástúrlerimizge, ulttyq óner men sportqa, ásirese, halqymyzdyń ata-babalarymyzdan jalǵasyp kele jatqan sharýashylyǵyna, saiatshylyq ónerine, atqa miný mádenietine, sonymen birge, bala tárbiesine erekshe qyzyǵýshylyq tanytyp, besikke salý, tusaýkeser sekildi joralǵylarǵa, kókpar, aýdaryspaq, teńge ilý syndy ulttyq oiyndarǵa erekshe nazar aýdarmaq.
Jýrnalist Son Jýn Hvannyń aitýynsha olardyń Tekelige arnaiy atbasyn burýyna qalamyzdyń turǵyny, belgili saiatshy Faizolla Búrkitbaidyń áleýmettik jelilerge salǵan qus baptaý, at baptaý, saiatshylyq óneri jaiyndaǵy sýretteri men aqparattary sebep bolǵan.
Uljan ULDAHANQYZY,
Tekeli qalasy ákiminiń baspasóz hatshysy
