Ońtústik Koreianyń Iosý qalasynda ótip jatqan «Korea Glocal Education Fair – 2024» kórmesinde Ziiatkerlik mektepterdiń BeyimTech júiesi kópshilik nazaryna usynylyp, qatysýshylardyń qyzyǵýshylyǵyn týdyrdy.
Jármeńke sarapshylar men bilim berý kóshbasshylaryn, ýniversitetter, kolledjder, mektepter men til ortalyqtarynan bólek, ártúrli bilim berý mekemeleriniń ókilderi men stýdentterdi, ata-analardy da qamtydy.
Aitýly sharada «Nazarbaev Ziiatkerlik mektepteri» DBBU BeyimTech enshiles uiymynyń direktory Nursultan Dúisebaev Beyim júiesindegi Beyim.ai jáne Beyim Synaq tsifrlyq jobalaryna jeke-jeke toqtalyp, kórme qatysýshylaryna sandyq tehnologiia kómeginiń igilikteri jaiynda baiandady.
Beyim.ai – bul «Nazarbaev Ziiatkerlik mektepteri» DBBU strategiialyq seriktesi – Arizona State University-men birlese ázirlengen biregei ádisteme boiynsha qurylǵan jeli. Onyń ereksheligi – Instagram áleýmettik jelisi siiaqty aqparatty lentalyq túrde usynýynda. Mikrooqytý ádisi qoldanylǵan bul jobada avtorlyq quraldar, oqytýdyń jeke traektoriiasy, oqý analitikasy jáne taǵy da basqa múmkindikter qarastyrylǵan.
Beyim Synaq – oqýshylarǵa yńǵaily ýaqytta jáne kez-kelgen jerde testileýden ótýge arnalǵan balamasy joq joba. Qoldanbada aqysyz jáne aqyly test nusqalary bar.
– Biyldan bastap NIS-ke testileý synaǵyn onlain tapsyrýǵa bolady. Bul múmkindikti 5530 úmitker paidalanyp úlgerdi. Jańa ónim birqatar artyqshylyqtarymen erekshelenedi. Jolǵa ýaqyt pen aqsha jumsaýdyń qajeti joq, basqa qalada, aýylda turyp-aq testileýden ótýge bolady. Nátijelerdi kútýdiń de qajeti joq, olar testileý aiaqtalǵan boidan birden shyǵady. Bul, eń aldymen, aýyldyq jáne shalǵai aýdandardyń oqýshylary úshin yńǵaily. Qazaqstan aýdany boiynsha Ońtústik Koreiadan 27 ese úlken. Sondyqtan mundai joba bizge qajet boldy. Jańa tehnologiialar qashyqtyqty qysqartýda, — dedi BeyimTech direktory Nursultan Dúisebaev.
Óz kezeginde, Bilim basqarmasynyń mektepke deiingi jáne bastaýysh bilim berý bóliminiń direktory Chhýnchhýnbýkdo Chhe Sýk Hi kórmege qatysqan Qazaqstan ókilderi men BeyimTech jobasynyń jumysyna sáttilik tiledi.
