Aimaq basshysynyń tapsyrmasyna sáikes mektep muǵalimderi men JOO-nyń professorlarynan quralǵan jumys toby eki aidyń ishinde kóptildilikti damytýdyń Aimaqtyq baǵdarlamasyn daiyndady.
Ózge ulttyń ókilderiniń biren-sarany qazaqsha sóilep, qazaqsha án aitqanyna máz bolyp júre beretin zaman ótti. Qazaq tilin mektepterde tereńirek oqytý kerek, - dedi Danial Ahmetov.
Baǵdarlamanyń negizgi maqsaty qajetti uiymdyq, ádistemelik, pedagogikalyq jáne qarjylyq jaǵdaidy qurý bolyp tabylady.
– Biz qajetti kólemde qarjylandyramyz. Baǵdarlama tildi úiretýdegi máselelerdi joiýdy qarastyrý qajet. Ol úsh tildi erkin meńgerýge múmkindik beredi. Ózge ulttyń ókilderiniń biren-sarany qazaqsha sóilep, qazaqsha án aitqanyna máz bolyp júre beretin zaman ótti. Qazaq tilin mektepterde tereńirek oqytý kerek, - dedi Danial Ahmetov.
Shyǵys Qazaqstan oblysy ár ult ókilderi jii shoǵyrlanǵan aimaqtardyń biri. Sońǵy jyldary aimaqta qazaq mektepteri kóbeiip, memlekettik tildiń mártebesi joǵarylap keledi. Oblys basshysy bul tarapta júieli ári naqty isterdi qolǵa alý qajettigin basa aityp, óz tilin ógei kóretinderdiń bolashaǵy bulyńǵyr bolaryn emeýirinmen jetkizdi.
Baǵdarlamany úsh kezeńde júzege asyrý qarastyrylýda. 2015-2016 jyldary aǵylshyn tili muǵalimderiniń qosymsha jumysyn qarjylandyrý máselesi sheshilse, 2016-2017 jyldary aǵylshyn, qazaq (orys tildi mektepter úshin), orys (qazaq tildi mektepter úshin) tilderinde oqý materialdary daiyndalady.
Sonymen qatar, UBT ortasha bally boiynsha jaqsy kórsetkishterge qol jetkizip júrgen muǵalimder qarjylai yntalandyrylatyn bolady.
Sońǵy kezeń 2017-2018 jyldary A1, A2, V1 dárejesindegi jalpy eýropalyq standartqa sáikes, oqýshylardyń tilderdi meńgerýi baqylanady.
Nátijesinde mektepterde tildi úiretetin jańa sapaly oqý júiesi paida bolady. Aimaqtyq Baǵdarlamany tiimdi júzege asyrý maqsatynda Britaniianyń Qazaqstandaǵy bilim baǵdarlamalary keńesimen jáne Nazarbaev Ýniversitetimen bailanys ornatyldy. Aýyzeki til tájiribesin jáne muǵalimderdiń sabaq berý ádisin jetildirý úshin Óskemen, Semei jáne Zaisan qalalarynda 3 oqytý Ortalyǵy ashylady.
Jiyn barysynda mektep basshylaryna, qazaq, orys jáne aǵylshyn tili muǵalimderine Baǵdarlamanyń jobasy tanystyryldy. Qujat oń baǵaǵa ie boldy. Oblys ákimi qosymsha tolyqtyrýlar boiynsha aitylǵan usynystardy eskere otyryp, bir aidyń ishinde Baǵdarlamany aiaqtap bekitýge engizsin degen tapsyrma berdi.
