Kooperativke birigiý – Arystaǵy shubat ónimin ulǵaitty
Ońtústik Qazaqstan oblysy Arys aýdanynda túie sharýashylyǵymen ainalysatyn Dermene jáne Jideli atty eki aýyldyq okrýg bar. Sonyń biri 150 otbasy turatyn Sanaly eldi mekeni. Qymyrannyń keni dep aitylatyn aýyl turǵyndary 2 myńǵa jýyq úiirgerlik sharýashylyqta túie ustaidy. Osy aýyldan kúnine 1000 tonna shubat daiyndalyp, qaladaǵy meiramhanalarǵa tasymaldanýda.
Búginde shubat ónimin kóbeitip, tabys kózin arttyrýdy kózdegen sharýalar «Jelmaia» aýyl sharýashylyǵy óndiristik kooperativine birigip otyr. Óndiristik kooperativ túie sútin óndirýmen ainalysady. Munda kúnine 1500 tonnaǵa deiin shubat óndiriledi. Olar bótelkelerge quiylyp daiyn shubat ónimi Astana, Almaty, Aqtóbe qalalaryna jiberiledi. Bul qojalyqta saýyndy seksen túie bar. Kúnine 1000 litrge jýyq shubat alady. Munda on adam eńbek etip, nápaqasyn taýyp keledi.
Atalǵan kooperativ aldaǵy ýaqytta túie sanyn kóbeitip, ónim kólemin arttyrýdy josparlap otyr. Jantaǵy mol túie ósirýge óte qolaily eldi mekendegi túielerdiń kóbi bir órkeshti. Oisylqaranyń bul tuqymy sútti ári etti keledi eken.
Arys qalasy boiynsha osy jyly 239 múshesi bar 16 aýyl sharýashylyǵy óndiristik kooperativi qurylǵanyn aitqan qala ákimi Murat Qadyrbek kooperativke birikken sharýalarǵa búginde memlekettiń kómegimen sýbsidiia bólinip jatqanyn jetkizdi.
Sondai-aq, ákim shubat óndirýde potentsiialy joǵary kooperativke aldaǵy ýaqytta modýldik sút qabyldaý beketin kepilsiz jáne aldyn ala tólemsiz nesiege beriletinin aitty. Iaǵni, ár beket qunynyń 50 paiyzyn (2,5 mln teńge) sýbsidiia retinde memleket tóleidi.
OQO ákiminiń baspasóz qyzmeti
