Jambyl oblysy politsiia departamenti jedel basqarý ortalyǵynyń beinebaqylaý kameralaryna júrgizilgen monitoring barysynda politsiia qyzmetkerleri jol erejelerin óreskel buzýdyń birneshe deregin anyqtady, dep habarlaidy dalanews.kz.
Jolaýshylar óz ómiri men ainalasyndaǵylardyń qaýipsizdigin qaterge tigip, qozǵalystaǵy avtokólikterdiń terezesinen denelerin syrtqa shyǵarǵan. Oqiǵalardyń birinde mobilograf qatar kele jatqan avtokólikti beinekameraǵa túsirý úshin kóliktiń terezesinen beline deiin shyǵyp turǵan.
Politsiia der kezinde qaýipti áreketterdi toqtatty. Kólik júrgizýshileri jolaýshylardy tasymaldaý qaǵidalaryn buzǵany úshin jaýapkershilikke tartyldy.
Politsiia áleýmettik jelilerde áserli beine túsirýge nemese kóp qaralym jinaýǵa degen umtylys adam ómiri men densaýlyǵyna tónetin qaýipti aqtai almaitynyn eskertedi. Bir ǵana abaisyz áreket aýyr zardaptarǵa ákelip, jol-kólik oqiǵasyna sebep bolýy múmkin.
