Saltanat Núkenovany óltirdi degen aiyp taǵylǵan Qýandyq Bishimbaevtyń isi boiynsha aldyn-ala tyńdaý barysynda aiyptaý aktisine sáikes mańyzdy aqparattar aityldy, - dep habarlaidy Dalanews.kz.
Sot tyńdaýy barysynda prokýror Aijan Aimaǵanova Bishimbaevqa qatysty aiyptaý aktisin oqydy. Ol eks-ministr men Núkenovanyń arasynda resmi neke bolmaǵanyn málimdedi.
Sonymen qatar, aiyptaýshy tarap Bishimbaev marqumnyń telefon qońyraýlaryn baqylap, oǵan jumys isteýge tyiym salyp, ony tolyǵymen qarjylyq jaǵynan táýeldi etkenin aitady. Prokýrordyń sózinshe, ol qyzǵanyshtan júieli túrde fizikalyq zorlyq-zombylyq kórsetken.
Prokýrordyń málimetinshe, 2023 jyly naýryzdyń ortasynda Astanada Bishimbaev Núkenovany urǵan. Saltanat Núkenova aǵasyna shaǵymdanǵan. Ol ony Bishimbaevpen ajyrasýǵa kóndirgen, biraq ol bas tartqan.
2023 jyly jazda Bishimbaev Núkenovaǵa Almatyǵa kóshýdi usynǵan. Ol zorlyq-zombylyq toqtaidy degen úmitpen kelisipti.
2023 jylǵy 8 qarashada Bishimbaev pen Núkenova kontsertke barǵan. Onda "kishigirim sebeppen" janjal bastalǵan.
"Kontsertte bolǵan Bishimbaev bos syltaýmen Núkenovamen janjaldasa bastaǵan. Kontsert aiaqtalǵanyn kútpesten ekeýi ǵimarattan shyǵyp, jaiaý Bao meiramhanasyna baǵyt alǵan.
Meiramhanada alkogol ishý barysynda janjal jalǵasa bergen. Núkenova Bishimbaevqa bul qarym-qatynastan sharshaǵanyn jáne odan ketýge sheshim qabyldaǵanyn aitqan. Sondai-aq, Núkenova aǵasyna qonýǵa barytyn jazyp, taksi shaqyrýǵa tyrysqan", - dedi prokýror.
Bishimbaev mas kúide Núkenovanyń basyna qatty soqqy bergen. Keiin ol áieldi aiaǵymen tepkilei bastaǵan. Saltanat Núkenova bólmelerdiń birine tyǵylmaq bolǵan, biraq Bishimbaev esikti syndyryp, ony qaita ura bastaǵan.
"Sol kúni túngi saǵat 2-de VIP-zalda olardyń arasynda Bishimbaevtyń qyzǵanyshyna bailanysty janjal týyndaǵan", - delingen aiyptaý aktisi málimetterinde.
Prokýror Bishimbaev mas kúide fizikalyq artyqshylyǵyn paidalanyp, Núkenovanyń basyna qatty soqqy bergenin, keiin kúzgi aiaq kiimimen qyzdy tebe bastaǵanyn aitty.
"Ol birneshe ret esin jidy, biraq Bishimbaev ony qaitys bolǵanǵa deiin uryp-soǵa bergen", - dedi prokýror.
Eske salaiyq, byltyr Qýandyq Bishimbaev áieli Saltanat Núkenovany óltirdi degen kúdikpen qamaýǵa alynǵan edi. Oqiǵa 2023 jyly 9 qarashada Astana qalasyndaǵy BAU meiramhanasynda boldy.
