Qazirgi ýaqytta Qyrǵyzstanda ekonomıkanyń ár túrli salalaryndaǵy 400-ge jýyq qazaq-qyrǵyz kásiporyndary jumys isteıdi. Sońǵy ret qyrǵyz aǵaıynnyń bastamasymen uıymdastyrylǵan kezdesýdiń sońynda jumys toby qurylyp, ony qos memlekettiń birinshi vıse-premerleri basqaratyn boldy. Eki el Premer-Mınıstrleriniń kezdesýinen keıingi kelisimder kóńildi qýantty. Onyń ishinde, aıtý kerek Qazaqstan Qyrǵyz ekonomıkasyna 800 mln dollar ınvestısıa salǵan. Al taýar aınalymy sońǵy jeti aıdyń qorytyndysy boıynsha 28 paıyzǵa ósken.
Sonymen qatar, Qazaqstan Respýblıkasynyń Qyrǵyzstan Respýblıkasymen saýda aınalymy 2017 jyldyń qańtar-shilde aralyǵynda $399,2 mln-dy quraǵan, sondaı-aq, ótken jyldyń osy kezeńimen ($311,6 mln) salystyrǵanda 28,1%-ǵa ($87,6 mln) ulǵaıǵan.
Munyń barlyǵy kásipkerler men eldiń ál-aýqatynyń túzelýine ońdy yqpaly men ázerin tıgizetini anyq dep bilemin. Bastysy Qyrǵyz elindegi áriptesterimizben baılanysymyz odan ári nyǵaı túsetinine senemin.
