Kómekke muqtaj 1500 almatylyq qurbandyqqa shalynǵan maldyń etin aldy
Almaty qalasynda qatań shekteýler iske asýda. Mal soiý tsehynyń jumysyna, jappai is-sharalar, ujymdyq namaz, sondai-aq mal ákelýge tyiym salynady. Rásimdi tek dini qyzmetker men senimdi adamdar arnaiy bólingen jerde ótkizedi. Basqa azamattar qurban2021.kz sait arqyly onlain rejiminde qurbandyq shalý rásimine tapsyrys bere alady. Qasietti merekege orai bir jarym kúnniń ishinde muqtaj 1453 adamǵa qurbandyqqa shalynǵan maldyń eti taratyldy. Almatylyqtarǵa karantin jaǵdaiynda Qurban ait merekesin toilaý erejeleri taǵy da eskertildi.
Almaty qalasynyń perimetrinde politsiia men vetbaqylaý beketteri ashylǵan, olar qalaǵa mal ákelýge tyrysqan jandardyń áreketterine tyiym salady. Bul megapolistiń bas sanitarlyq dárigeriniń ait kúnderi mal soiýǵa ári satýǵa tyiym salýymen bailanysty. Óitkeni qurbandyq shalý rásimi adam kóp jinalýmen ótedi. Bul koronavirýs infektsiiasynyń taralýyna ákelýi múmkin.
QR AShM Veterinariialyq baqylaý jáne qadaǵalaý komitetiniń Almaty qalasy boiynsha aýmaqtyq inspektsiiasynyń derekteri boiynsha, kezekshilik kezinde inspektsiia qyzmetkerleri aǵymdaǵy jylǵy 16 men 20 shilde aralyǵynda qaladan tys jerde 31 iri qara mal, 571 usaq mal, 3 jylqyny keri qaitardy.
"Inspektsiia qyzmetkerleri Almaty qalasynyń aýmaǵynda veterinariialyq-sanitarlyq baqylaý men qadaǵalaýdy kúsheitti. Turǵyndarmen túsindirme jumystary júrgizildi, qalanyń barlyq segiz aýdany tekserildi. Bazar men et kombinattary, mal soiý alańdary, sondai-aq qala meshitteri tekserildi", - dedi QR AShM Veterinariialyq baqylaý jáne qadaǵalaý komitetiniń Almaty qalasy boiynsha aýmaqtyq inspektsiiasynyń biologiialyq qaýipsizdik bóliminiń basshysy Nurlan Táshimov.
Aita keterligi, mal soiý tsehy men bazarlardyń jumysy toqtatyldy. Mal soiý men olardy satýǵa tyiym salyndy. Alaida Alataý aýdanynda Balqýrai-Molodejnaia kósheleriniń qiylysynda belgilenbegen jerde 100 bas usaq mal satý faktileri anyqtaldy. Tártip buzýshylarmen túsindirme jumystary júrgizildi. Janýarlar qala syrtyna shyǵaryldy.
Búginde qala aýdandaryn da zańsyz mal soiý men satý boiynsha baqylaý jumystary jalǵasýda. Qala mańyna qoiylǵan beketter Qurban ait merekesiniń sońyna deiin jumys isteitin bolady.
Almaty qalasy Din isteri basqarmasy qala turǵyndaryna Qurban ait merekesine arnalǵan qurbandyq shalý rásimi úshin bazar men jeke menshikterde tiri mal satyp alý múmkin emes dep alańdamaýǵa shaqyrdy. Muny onlain rejimde jasaýǵa bolady. Onyń algoritmin musylmandardyń rýhani basqarmasy anyqtady.
Búginde 341 eshki, 112 qoi jáne 30 iri qara malǵa onlain túrde ótinim berildi. Qurbandyq etin shamamen 1500 adam aldy. Bul shara bárimiz úshin jaqsy, óitkeni koronavirýsty juqtyrý qaýpi edáýir tómendeidi dedi din qyzmetkerleri.
"Internettegi qurbandyq tek belgilengen jerde bolady. Rásimdi ótkizýge arnaiy top bekitilgen, bógde adamdarǵa kirýge tyiym salynǵan, barlyq jumys sanitarlyq talaptarǵa sáikes júrgiziletin bolady", - dedi Almaty qalasy Ortalyq meshitiniń naib imamy Madiiar Pirimqulov.
Din ókilderi jurtshylyqty Qurban ait merekesine jaýapkershilikpen qaraýǵa shaqyrdy. Bul kúnderi úide bolyp, qonaqqa barmaǵan jón ári is-shara uiymdastyrmaý kerek. Qazirgi kúrdeli kezeńde qala turǵyndary úlken jaýapkershilik tanytyp, qaýipti infektsiianyń taralýyna tosqaýyl bolýlary tiis.
