Rýhaniiatymyzdyń altyn qazyǵy, qazaq halqynyń ǵasyrlar boiy qalyptasqan ádet-ǵurpy, salt-dástúri, mádenieti men óneri ekendigi kópke belgili. Tek úlken qala ortalyqtarynda ǵana emes, shalǵaidaǵy aýyldardyń mádenieti men óneriniń jańǵyrýy sondaǵy klýbtar men mádeniet úilerine tikelei qatysty. Biyl Qazaqstan Respýblikasy Táýelsizdiginiń 30 jyldyǵyna orai Alakól aýdanyna qarasty Aqtúbek aýyldyq okrýginde 150 oryndyq klýbtyń qurylysy qarqyndy júrgizilýde. Aýyl klýby «Aýyl el besigi» baǵdarlamasy aiasynda júzege asyrylýda.
Sonymen qatar, atalǵan jumystarǵa 576 mln 021 myń.teńge bólingen. Qurylys jumystaryna tapsyrys berýshi «Alakól aýdanynyń qurylys bólimi» MM bolsa, merdiger «Alakól – Asyl qurylys» JShS-gi. Nysannyń jalpy aýmaǵy 0,5 ga bolsa, ǵimarattyń aýdany 8 myń sharshy metrdi quraidy. Qazirgi tańda qurylys basynda 4 tehnika jáne 17 adam jumys isteýde. Búginde olar jumystyń 25 paiyzyn oryndady. Sondai-aq, aýyl klýby aǵymdaǵy jyldyń 16 jeltoqsanynda paidalanýǵa beriledi dep josparlanýda.
Qasiet ARSTAN,
Alakól aýdany ákiminiń
baspasóz-hatshysy
