Májilis depýtaty Elnur Beisenbaev elimizdegi aýyl turǵyndary áli kúnge deiin aýyz sýǵa zárý ekenin jetkizdi, dep habarlaidy Dalanews.kz.
Depýtattyń aitýynsha, keler jyly aýyldardy 100% sýmen qamtamasyz etý mindeti tur. Alaida tapsyrmanyń qarqyny aqsaýda.
“Barlyq aýyldy sýmen qamtý úshin AMANAT fraktsiiasy atynan shamamen 80 mlrd teńge qarjy usyndyq. Alaida biýdjettik jobada tek 15 mlrd teńge qoldaý tapty”, – dep atap ótti Beisenbaev.
Osy tusta ol Memleket basshysynyń tapsyrmasyna bei-jai qaraǵandardy synǵa aldy.
“Úkimet bul máseleni jetkilikti baqylaýda ustamai otyr dep oilaimyn. 500-den astam turǵyny bar aýyldar sýsyz qalýy kerek pe? Sýy bar aýyldardyń ózinde, Joǵarǵy aýditorlyq palata esebine sáikes, shamamen 13%-ynda sý jetkiliksiz, qaita jóndeýdi qajet etedi. Soltústik Qazaqstan, Túrkistan siiaqty 7 óńirde áli kúnge deiin halyq sý tasýǵa májbúr. Osy máseleni tolyq sheshý josparda bar ma? Eger 2025 jyly qajetti qarajat bólinbese, bul máselede kim jaýapkershilikti moinyna alady?” – dep saýal joldady depýtat.
Ónerkásip jáne qurylys ministri Qanat Sharlapaev bul máseleni ministrlik nazarda ustap otyrǵanyn atap ótti.
“Aýyz sýmen qamtý – basty mindetimiz. Biýdjet jobasynda 79 mlrd teńge bólinse, depýtattardyń qoldaýymen 16 mlrd teńge qosyldy. Bul qarajat 106 jobaǵa bólinedi, biraq basqa qarjy kózderin izdeý qajet. Prezidenttiń tapsyrmasyn oryndaimyz, 2026 jylǵy biýdjette osy máseleni qaita qaraimyz”, – dedi ministr.
Sharlapaev keibir óńirlerdiń jobalyq-smetalyq qujatty ázirleýde keshigip jatqanyn, bul jumys jeke baqylaýynda ekenin jetkizdi.
“Jyl sońyna deiin qujattamanyń kópshiligi daiyn bolady dep senemiz”, – dedi ol.
