Bul byltyrǵy jylǵy sáıkes kezeńmen salystyrǵanda 2,6 ese artyq. 2017 jylǵy ónim kólemi 32mlrd 646 mln teńgege aınalǵan bolatyn.
Qaladaǵy shaǵyn jáne orta bıznestiń de shyraıy kirýde. Kentaý qalasyna 12 aýyl okrýgteriniń qosylǵaly beri qaladaǵy alys-beriske jan bitip, kásipkerlerdiń óz taýaryn ótkizetin naryq aıasy ájeptáýir keńeıgen.
2018 jyldyń 10 aıynda qoldanystaǵy shaǵyn orta kásipkerlik sýbektileriniń sany 6784 birlikke jetip, 2,5 ese ósken eken.
Shaǵyn bıznes sýbektileriniń 2018 jyldyń 10 aıynda óndirgen ónimderi men jasaǵan qyzmetteriniń sommasy 61134,8 mln.teńgeni qurapty. Qalalyq ekonomıka bóliminiń habarlaǵanyndaı mundaı kórsetkishter12 aýyldyq okrýgteriniń Kentaý qalasynyń aýmaǵyna qosylýyna baılanysty qalyptasyp otyr.
Budan bólek bıylǵy jyly Kentaýdaǵy barıt ónimderin óńdeıtin zaýyt qaıta is qosylǵanyn aıta ketýimiz kerek. 10 jyldaı ýaqyt turalap qalǵan kásiporynǵa búginde 600 mln. teńge ınvestısıa quıylǵan.
Kásiporyn jylyna 50 myń tonna barıt ónimderin óńdeýge qaýharly. 2018-2025 jyldary zaýyttyń ónim kólemi 1 mlrd. 730 mln. teńge artyp, 344 mln. teńge salyq túsiredi degen jospar bar. Daıyn ónim elimizdiń munaı-gaz salasyndaǵy ulttyq kompanıalardan bólek, Reseı jáne Ózbekstanǵa eksporttalatyn bolady.
