Atap aitar bolsaq, onyń ishinde: ósimdik sharýashylyǵy 26799,4 mln.teńge (103,5%), mal sharýashylyǵy 15991,9 mln.teńgeni (107,7%) qurady.
Óndirilgen et – 13162,5 tonna, byltyrǵy jyldyń tiisti kezeńimen salystyrǵanda 104,2%,saýylǵan siyr súti – 54608,8 tonna nemese 105,4%, alynǵan taýyq jumyrtqasy – 13810,1 myń dana nemese 103,3% qurady.
Al aýyl sharýashylyǵy salasy boiynsha byltyrǵy jylmen salystyrǵanda 105% investitsiia tartý josparlanǵan, qazirgi tańǵa Kentaý qalasy Qarnaq aýylynda jylyjai qurylysyna «Abdashim» sharýa qojalyǵy 200,0 mln.teńge, Eski-Iqan aýyldyq okrýginde «Agrokomgrýp» kókónis qoimasyn salýǵa 56,0 mln.teńge, Iassy aýyldyq okrýginde kókónis qoimasyn salýǵa 273,0 mln.teńge jáne 5 mal bordaqylaý alańdary qurylysyna 144,0 mln.teńge, Qarashyq aýyldyq okrýginde «Turan» sharýa qojalyǵy sút óńdeý tsehyna 85,0 mln.teńge, Shaǵa aýyly okrýginde «Didar» sharýa qojalyǵy kókónis saqtaityn qoima salýǵa 235,0 mln.teńge investitsiia tartyldy.
Jalpy 2018 jyldyń 10 aiynda Kentaýdaǵy aýyl sharýashylyǵy salasyna 993,0 mln.teńge kóleminde investitsiia tartylǵan eken.
Qaladaǵy shaǵyn jáne orta biznestiń de shyraiy kirýde. Kentaý qalasyna 12 aýyl okrýgteriniń qosylǵaly beri qaladaǵy alys-beriske jan bitip, kásipkerlerdiń óz taýaryn ótkizetin naryq aiasy ájeptáýir keńeigen.
2018 jyldyń 10 aiynda qoldanystaǵy shaǵyn orta kásipkerlik sýbektileriniń sany 6784 birlikke jetip, 2,5 ese ósken eken.
