Kentaýda qýaty 50 MVt kún elektr stansasy salynady
Ashysaidyń Qotyrbulaq eldi mekeninen boi kóteretin nysanǵa ákimdik tarapynan 200 gektar jer telimi beriletin boldy. Qurylys jumystaryn erterek bastaýdy tiisti qurylym basshylaryna júktegen aimaq basshysy kún elektr stansasy salynyp bitkende, onyń baǵasy básekege qabiletti bola bilýi jáne eń bastysy, halyqqa tiimdi bolýy sharttyǵyn jetkizdi. Sheteldik kompaniia jetekshilerimen ózara áńgimede mundai stansalardy bolashaqta Ordabasy aýdanynan da salý máselesi sóz boldy.
2009 jyly negizi qalanǵan "Hevel" kompaniialar toby kún energetikasy salasynda Reseidegi eń iri integratsiialanǵan kompaniia bolyp tabylady. Seriktestiktiń negizgi qyzmeti kúnnen qýat alý isinde ǵylymi-zertteý jumystary men kún elektr stansalaryn salyp, ony paidalaný, joǵary tehnologiialy kún modýlderin óndirýge baǵyttalǵan. Atalǵan zaýyt jyl saiyn uiashyqtyń tiimdiligi 22% - dan joǵary bolatyn 160 MVt geteroqurylymdyq kún modýlderin shyǵarady. Kompaniialar toby basqaratyn jobalardyń kólemi 907,5 MVt quraidy.
Tiisti jumystardyń nátijesinde, "Hevel" kompaniialar toby 2019-2020 jyldary Qazaqstannyń ońtústik óńirlerinde qýattylyǵy 70 MVt bolatyn kún generatsiiasyn salý quqyǵyna ie bolǵan-dy. Osylaisha, ótken jyldyń jeltoqsan aiynda Máskeýde ótken investitsiialyq forým aiasynda "Túrkistan" ÁKK, "Turkistan Invest" pen "Hevel" kompaniiasynyń arasynda Túrkistan oblysynda kún elektr stansasynyń qurylysy týraly Memorandýmǵa qol qoiylǵan bolatyn.
Túrkistan oblysy ákiminiń baspasóz qyzmeti
