Jaldamaly baspanamen qamtylǵandardyń qatarynda qala turǵyny Qalampyr Týleýbekova da bar. Ol 2015 jyly kópbalaly otbasylar sanaty boiynsha úi kezegine tirkelgen. Qala turǵyny osy ýaqytqa deiin turǵyn úi kezegin únemi EGOV elektrondyq portaly arqyly baqylap kelipti.
Kópbalaly ana 6 jylǵa jýyq ýaqyt boiy turǵyn úi kezegin sabyr saqtap, shydamdylyq tanytyp kútken. Búginde jaldamaly baspanaǵa qol jetkizgen otbasynyń qýanyshynda shek joq.
Dál osy sekildi qanshama qala turǵyndary kópten kútken turǵyn úilerine qoldary jetip qýanyshqa kenelýde.
«Nur Otan» partiiasynyń «Ózgerister joly: Ár azamatqa laiyqty ómir!» atty sailaýaldy baǵdarlamasynda 2025 jylǵa deiin Kentaý qalasynda 3600 otbasyny baspanamen qamtý kózdelgen. Búginde osy Jol kartasy boiynsha jumys júrip jatyr.
Aita keteiik, qazirgi tańda Kentaý qalasynda 5 qabatty 60 páterli 5 úidiń qurylysy bastaldy. Oǵan qosa 10 úidiń qurylysyn salýǵa jobalyq-smetalyq qujattamasy ázirlengen.
