Memleket basshysynyń «Bolashaqqa baǵdar: rýhani jańǵyrý» atty maqalasyn iske asyrý maqsatynda taý-ken óndirýshi kásiporyn aýyldy aimaqtardyń áleýmettik damýyna úles qosýda.
Sońǵy úsh jylda jarma aýdanynyń Áýezov, Shalabai aýyldarynnyń damýyna 1, 74 mlrd teńge qarjy berildi. Bizdiń kásiporyn munymen toqtap qalmai, áli de qoldaý kórsete bermek. Sebebi bul aýyldyń emes, keler urpaqtyń damýyna tartylǵan investitsiia dep túsinemiz, – dedi «Baqyrshyq taý-ken óndirý kásiporny» JShS Bas direktory Iýrii Ovchinnikov.
Kásiporyn osyǵan deiin oblys, respýblika biýdjetine jáne biýdjettik emes qorlarǵa 1,2 mlrd teńge salyq tólegen.
Aita ketsek, Baqyrshyq ken ornynda qyzmet atqaratyn qyzmetkerlerdiń 40%-y Áýezov kentiniń turǵyndary. Ótken jyly atalmysh kásiporyn aýylda 240 mln teńgege 180 balaǵa arnalǵan «Aqqý» balabaqshasyn kúrdeli jóndeýden ótkizdi. 20 jyl boiy bos turǵan mekemeni jóndep, tehnikamen jabdyqtaǵannan keiin, balabaqsha óz jumysyn bastap, 40 adam jumyspen qamtyldy.
– «Polimetall» kompaniiasynyń arqasynda birneshe jyl boiy qańyrap bos turǵan balabaqshanyń mekemesi jóndeýden ótip, iske qosyldy. Qazir bul jerde balanyń ói-órisin damytýǵa arnalǵan barlyq jabdyqtar bar, – dedi balabaqsha meńgerýshisi Nazken Bekturǵanova.
Sondai-aq, memorandým aiasynda aýyldaǵy emhana, mektep jáne erkin kúreske arnalǵan sport zal kúrdeli jóndeýden ótti.
Jyl saiyn «Baqyrshyq taý-ken óndirý kásiporny» mektep túlekterine 4 grant bólip, qazirde Qazaqstannyń birqatar ýniversitetterinde 23 stýdent bilim alýda. Aldaǵy ýaqytta kásiporyn stýdentterdi tolyqtai jumyspen qamtýǵa ázir.
Biylǵy jyldyń aqpan aiynda kásiporyn basshylyǵy Jarma aýdanynyń ákimdigimen memorandýmǵa qol qoiyp, aýdannyń damýyna 30 mln teńge qarjy bólse, oblys ákimdigimen kelisimshart aiasynda aimaqtaǵy infraqurylymnyń damýyna 750 mln teńge qarjy bólip otyr.
Áýezov kentiniń turǵyny Bazarbek Jaqpekov aityp ótkendei, «Polimetall» kompaniiasy aýyldyń áleýmettik damýyna zor úles qosýda. Birqatar nysandar jóndeýden ótip, turǵyndar jumyspen qamtylǵan.
Atalmysh eldi-mekenniń infraqurylymyn damytý úshin kásiporyn jalpy sommasy 2 mln teńgege áleýmettik-investitsiialyu jobalardy iske asyrýda. Sonyń ishinde «Bursaq – Áýezov» joly jóneýden ótip, aýyldy sýmen, jylýmen qamtityn júieler salynyp, jańadan jylý qazandyǵy da boi kóterip keledi.
ShQO ákimi baspasóz qyzmeti
https://dalanews.kz/27875
