Perizat Qairattyń bilimine qatysty daý áleýmettik jelini taǵy shýlatty. Kezinde álemniń eń bedeldi joǵary oqý oryndarynyń biri Kembridjge túskenin aityp, maqtanǵan qyzdyń bilimi aiaqtalmaǵan orta deńgeiinen aspai qalǵany jurtty tańǵaldyrdy, dep habarlaidy Dalanews.kz.
"Za nami ýje vyehali" arnasy Perizattyń oqý jolyn tolyqtai zerdelep, qyzyq faktilerdi anyqtady. Belgili bolǵandai, Perizat Kairat 9-shy synypty Aqtaýdaǵy mektepterdiń birinde aiaqtaǵan. Sol kezde ol Kairat emes, Qasenǵalieva degen familiiany ielengen eken.
"2006 jyly Aqtaýdaǵy Mańǵystaý oblystyq óner kolledjine hor dirijeri mamandyǵyna oqýǵa túsip, eki jyldan keiin Almatydaǵy Júsipbek Elebekov atyndaǵy respýblikalyq estrada-tsirk kolledjine aýysqan. Biraq kóp uzamai, 2008 jyldyń qazanynda "óz erkimen" oqýyn tastap ketken. Kolledj basshylyǵynyń aitýynsha, onyń tártipke qatysty eshbir eskertýi bolmaǵan", - deidi derekkóz.
Sotta memlekettik aiyptaýshy Mádina Orazalina "Turan-Astana" (TAU) ýniversitetine qatysty qujattardyń bar ekenin aitqan edi. Alaida atalǵan oqý orny redaktsiia suraǵyna "Perizat Qairat bizdiń ýniversitette eshqashan oqyǵan emes, diplom da alǵan joq" dep kesip aitty.
"Buǵan qosa, Perizat Qairat 2015-2016 jyldary Malaiziiadaǵy Nottingem ýniversitetinde bilim alǵanyn Instagram paraqshasynda jii jariialaǵan. Shyn máninde, onyń qolynda tek sol ýniversitettiń kirý ruqsaty bolǵany anyqtaldy. Biraq ol oqý ornyna 9 synypty bitirgen kýálikpen túsý múmkin emes: tolyq orta nemese arnaýly orta bilimi qajet", - dep qosty arna.
Búginde Perizattyń anasy Ǵaini Qasenǵalieva da, onyń janyndaǵy tanymal bloger qurbylary da jýrnalistermen sóilesýge qulyqsyz, bailanysqa shyqpai otyr.
"Olar sottalýshynyń ómirindegi osy bir túsiniksiz tustardy anyqtap berýge septigin tigizer edi. Bul máselege qatysty sot talqylaýy 23 shildede jalǵasady. Qazirshe jurttyń kókeiinde jalǵyz suraq tur: "Qaiyrymdylyqpen aty shyqqan Perizat Kairattyń bilimi jaily shyndyq endi tolyq ashylar ma eken?..", - deidi derekkóz.
