Eger osy iske shyndap kirissek aianyp qalmaiyq. Oblys ortalyqtaryndaǵy Nazarbaevtyń atymen atalatyn kóshelerdi «Azattyq», «Táýelsizdik» dep ózgerteiik (Almatydaǵy Nazarbaev kóshesin Fýrmanov dep eski atyn qaitara alamaimyz ǵoi). Burynǵy ataýy qazaqy bolsa ony qaitaraiyq!
Keńes ókimetiniń shekpenin shyqanymyzǵa 30 jyl bolsa da dekomanizatsiia júrgize almadyq. Bul isti bastasaq, Pýtin orynan óre túregeleme dep qoryqtyq.
Al Nazarbaevtyń atynan arylýdy bastap ketsek, eshkim qolymyzdan qaqpasy anyq. Bárin osy jyly bitireiik. Kelesi jylǵa qaldyrmaiyq.
Ai saiyn Nazarbaevtyń atymen atalatyn kóshelerdiń atyn qaitaryp, basqa ataý berip isti saǵyzsha sozatyn bolsaq, denazarabaevzatsiia 10 jylǵa sozylýy múmkin. Al bizdiń bulai oiyn oinap júretin ýaqytymyz joq.
Elordanyń atyn kúzde qaitaryp, áýejaidyń atyn qysta ózgertip, halyq aldynda saiasi upai jinaý endi bolmasyn! Bárin jyl aiaǵyna deiin aiaqtaiyq.
Nazarbaevtyń Ánuranǵa jasaǵan korrektirovkasyn da alyp tastaiyq (Jumeken Nájimedenovtyń árýaǵy bir riza bolyp qalary anyq).
Almatydaǵy Ortalyq alańdaǵy jáne Báiterektiń ushar basyndaǵy atamyzdyń byttiǵan qolyn da kúresinge tastaiyq. Elordadaǵy Ortalyq murajaida turǵan músindi de jertólege túsireiik.
Nazarbaevtyń isi men ózin kýlt jasaý osymen támam bolsyn! Osyǵan kelisesizder me?
Sodan keiin aq paraqty ashyp, alańsyz Jańa Qazaqstannyń tarihyn bastaýǵa bolady.
Nurlan ÁÝBÁKIR
