"KEGOC" AQ 2024 jyldyń qorytyndysy boiynsha taza paidanyń 75,6%-yn dividendke bóledi. Bul týraly 2025 jylǵy 28 sáýirde kompaniia aktsionerleriniń jyldyq jalpy jinalysy barysynda belgili boldy, dep habarlaidy Dalanews.kz.
"2024 jyly KEGOC-tyń taza paidasy 59,5 mlrd teńgeni qurap, 2023 jylmen salystyrǵanda 37,1%-ǵa artty. 2024 jyldyń birinshi jartyjyldyǵy úshin bir jai aktsiiaǵa eseptelgen dividendter kólemi – 82,40 teńge, al ekinshi jartyjyldyq úshin – 81 teńge boldy. Osylaisha, 2024 jyldyń qorytyndysy boiynsha taza paidanyń 75,6%-y, iaǵni 44,98 mlrd teńge nemese bir jai aktsiiaǵa 163,40 teńge dividend retinde bólinedi", dep naqtylaidy kompaniia.
2024 jyldyń ekinshi jartyjyldyǵy úshin dividend alýǵa quqyly "KEGOC" AQ aktsionerleriniń tizimi 2025 jylǵy 28 mamyrda tirkeledi. 2024 jyldyń ekinshi jartyjyldyǵyna arnalǵan jai aktsiialar boiynsha dividendterdi tóleý 2025 jylǵy 4 maýsymda bastalady.
Sondai-aq jinalys barysynda 2024 jyly Qazaqstanda elektr energiiasy tutynysy 4,3%-ǵa artyp, 120 mlrd kVts quraǵany, al óndiris kólemi 4,5%-ǵa ósip, 117,9 mlrd kVts bolǵany da aityldy.
"Ósip kele jatqan júktemege qaramastan, KEGOC energetikalyq júieniń turaqty jumysyn qamtamasyz etti. KEGOC iri infraqurylymdyq jobalardy júzege asyrýdy jalǵastyrýda: Qazaqstan Birtutas elektr energetikalyq júiesiniń (BEJ) Ońtústik aimaǵynyń elektr jelilerin kúsheitý jáne Batys aimaqty Qazaqstan BEJ-ine qosý jobalary belsendi iske asýda, negizgi jabdyqtary jetkizildi. Eki joba da 2027 jyly aiaqtalady. 2025-2026 jyldardyń kúzgi-qysqy kezeńine daiyndyq sheńberinde sáýir aiynda jóndeý naýqany bastaldy. Josparǵa sáikes 99 elektr jetkizý jelisi men 43 qosalqy stantsiia jabdyqtaryn jóndeý kózdelgen. Ekonomikadaǵy memlekettik qatysýdy azaitý tapsyrmasyna sáikes, "Energoinform" AQ enshiles uiymyn qaita qurylymdaý jáne ony "KEGOC" AQ quramyna qosý máselesi qaralýda", delingen kompaniia habarlamasynda.
Buǵan deiin QazaqGaz 2026-2027 jyldary IPO-ǵa shyǵarylýy múmkin ekenin jazǵanbyz.
