Májilis depýtaty Ashat Aimaǵambetov jańa Salyq kodeksine qatysty pikir bildirdi, – dep habarlaidy Dalanews.kz.
Onyń sózinshe, bul - jai sandar emes, adamdardyń ómiri, taǵdyry.
"Bul - ustazdar. Bul - ata-analar. Qazaqsha mýltfilm men kitap tappai, tiktok kórip otyrǵan balalar. Bul - dári-dármekke zárý zeinetkerler. Bul - emine úmittenip otyrǵan naýqastar. Sondyqtan bul áńgime salyq týraly emes. Bul - ádilettilik pen memlekettiń nege basymdyq beretininiń kórsetkishi", - dedi ol.
Bul baǵytta depýtat óz usynystaryn aitty:
- Kitaptar men baspany qoldaýymyz kerek.
"Eger QQS-ty tómendetpesek, kitaptar odan saiyn qymbattaidy. Al balalar tek YouTube pen TikTok kóredi. Frantsiia, Japoniia siiaqty elderde kitapqa múlde QQS salynbaidy nemese úlken jeńildikter bar. Buryn soǵys kezinde adamdar ot ishinen kitapty alyp shyǵatyn. Al biz qazir sol kitapqa salyq salyp otyrmyz. Sondyqtan kitap pen balalarǵa arnalǵan baspa ónimderinen QQS-ty alyp tastaiyq", - dedi ol.
- Teatrlar, kitaphanalar, murajailar men qolóner biznes emes
"Bul mekemelerdi korporativtik tabys salyǵynan bosatý qajet", - dedi ol.
- Emdeý men dári-dármek: durys qadam jasaldy
"Rak, diabet, sirek kezdesetin aýrýlar — Úkimet bul máselede bizdiń usynysty qoldady. Bul — myńdaǵan otbasy sezinetin mańyzdy qadam. Biraq odan basqa da mańyzdy aýrýlar men dáriler bar. Epilepsiia, psihikalyq buzylystar, insýlttan keiingi qalpyna kelý — bular da ómir sapasyn anyqtaityn jaǵdailar. Bul — aýrý. Al aýrýǵa salyq salý — ádiletsiz. Qazir 10% QQS ómirlik mańyzdy dárilerge de salynyp otyr. Al bul degenimiz: Kópbalaly otbasy úshin — minýs azyq-túlik, Insýlt alǵan qariia úshin — minýs reabilitatsiia.
Eger biz densaýlyq salasynda gýmanistik salyq saiasatyn bastadyq desek — sońyna deiin barýymyz kerek. Bir shyndyqty aitý kerek: OSMS júiesi aqsap tur. GOBMP paketiniń aýqymy tarylyp barady. Halyqtyń 40%-y emdelýge óz qaltasynan tóleidi", - dedi depýtat.
- Transjirge aktsiz kerek
"Iá, kóbimiz tátti nárselerdi jaqsy kóremiz. Biraq transjir — únsiz qaýip. Kóp elde olar múlde tyiym salynǵan. Rak, semizdik, júrek-qan tamyr aýrýlary, diabet — sonyń da saldary. Transjirge aktsiz — qaýipsizdik belbeýi sekildi. Bastapqyda yńǵaisyz. Biraq qiyn sátte ómirdi saqtap qalady", - dedi Aimaǵambetov.
- Qazaqsha mýltfilmder az, al salyq kóp
"Búginde balalardyń kóbi basqa tildegi TikTok pen Netflix ǵana kóredi. Memlekettik tilde kontent az. Nege? Bizdiń animatsiialyq stýdiialar ár kadr úshin QQS tóleidi. Qazaqsha mýltfilm shyǵarý qymbat. Ońtústik Koreia, Polsha, Frantsiia óz animatsiiasyn qorǵaidy. Bizge de sol qajet", - dedi ol.
- Kazinolarǵa salyqty batyl kótereiik!
"Munda eshqandai daý joq. 20%, 30%, 50% deiin kóterýge bolady. Óitkeni árbir utylǵan stavka — bir otbasynyń úmiti. Bul — biznes emes. Bul — úmitti jutatyn indýstriia", - dedi depýtat.
Depýtattyń pikirinshe, bul usynystar jeńildik emes, ádilettilik.
"Salyq júiesi muqtajǵa demeý bolýǵa tiis. Smartfon kitaptan arzan bolmaýy kerek. Energetikalyq sýsyn sýdan arzan bolmaýy kerek", - dep túiindedi ol.
