Almatyda «QazTAG» agenttiginiń bas dırektory Aset Mataevqa belgisiz adamdar shabýyl jasap, aýyr jaraqat salǵan, dep habarlaıdy Dala News.

Advokat Rena Kerımovanyń aıtýynsha, oqıǵa túnde Dostyq dańǵyly mańynda bolǵan. Mataev dosymen birge bardan shyqqan kezde birneshe adammen janjal týyndaǵan.

«Aset Mataevtyń aıtýynsha, oǵan beıtanys 5-6 adam (arasynda qyzdar da bolǵan) shabýyl jasap, ony jáne dosyn soqqyǵa jyqqan», – dedi advokat.

Onyń sózinshe, oqıǵa saldarynan Mataev aýyr jaraqat alǵan.

«Asetke basynan ashyq jaraqat salynǵan, mańdaı súıeginiń aldyńǵy jáne tómengi qabyrǵasy synǵan, jaǵdaıy óte aýyr», – dedi Kerımova.

Qazirgi tańda ol sot-medısınalyq saraptamadan ótken. Sonymen qatar, Mataevtyń ózi buzaqylyq jasady degen kúdikpen ustalǵany belgili boldy.

Advokattyń málimetinshe, qorǵaýshylar oǵan quqyqtyq kómek kórsetip jatyr. Oqıǵanyń mán-jaıy anyqtalýda.