«Rosgidromet» mekemesine qarasty Taýlar geofizikasy ǵylymi-zertteý institýtynyń zertteýshileri 2050 jyldary Kavkaz taýlaryndaǵy muzdyqtardyń 40 paiyzy erip ketýi múmkin ekenin málim etti.
Kavkaz taýlarynda muzdyqtarynyń jartysyna taiaý bóligi erise, aimaq úlken ekologiialyq apatpen betpe-bet kelýi múmkin. Sondyqtan ǵalymdardyń másle kóterip, dabyl qaǵyýy oryndy. Institýt direktorynyń orynbasary Hajbar Kalov:
– Bizdiń ǵalymdar sońǵy jyldary Elbrýs aimaǵyndaǵy 120 sharshy/shaqyrym aimaqty alyp jatqan 21 muzdyqty baqylady. Muzdyqtardyń ortasha qalyńdyǵy 80 metr. Sońǵy júz jylda olardyń 50 paiyzy erip ketken. Qazirgi tańda muzdyqtardyń qalyptasýyna qaraǵanda erýi jyldam júrip jatyr. Biz osyǵa qatty alańdaýlymyz, – deidi. Muzdyqtardyń erýi bolashaqta aimaqta sý tapshylyǵyn týdyryp, Kabardino-Balqariiadaǵy iri sý elektr stansalarynyń jumysyna keri áserin tigizýi múmkin. Ǵalymdar taý basydaǵy muzdyqtardyń erýine parnik gazdardyń erekshe úles qosyp otyrǵanyn da aitty.
