Qazaqstanda kassatsiialyq sot asa aýyr qylmysty jasyrdy degen aiyppen sottalǵan azamatty aqtap, onyń áreketinen qylmys quramy tabylmaǵanyn málimdedi, dep habarlaidy dalanews.kz.
Kassatsiialyq sottyń málimetinshe, is materialdary aiyptalýshynyń kinásin dáleldeýge jetkiliksiz bolǵan.
«Kassatsiialyq sot K-nyń kinási jetkilikti ári senimdi dáleldermen rastalmaǵanyn anyqtady. Mundai jaǵdaida aiyptaý tarapy onyń asa aýyr qylmysty aldyn ala ýádelespei jasyrý quramyn quraityn belsendi áreketter jasaǵanyn dáleldei almady. Sonyń nátijesinde kassatsiialyq sot buryn qabyldanǵan sot aktileriniń kúshin joiyp, Qylmystyq kodekstiń 432-baby boiynsha qylmys quramy bolmaǵandyqtan isti toqtatty», - dep habarlady Kassatsiialyq sottardyń baspasóz qyzmeti.
Is materialdaryna sáikes, 2021 jyly Baiqońyr qalasynda er adam tanystarynyń zańsyz áreketteriniń izin jasyrý maqsatynda uialy telefonyndaǵy hat-habarlamalardy óshirdi degen kúdikke ilingen.
Osyǵan bailanysty birinshi satydaǵy sot ony Qylmystyq kodekstiń 432-baby boiynsha kináli dep tanyp, raqymshylyq týraly zańdy eskere otyryp, segiz aiǵa bas bostandyǵynan aiyrǵan.
Alaida qorǵaýshy tarap aiyptalýshynyń kinási dáleldenbegenin aityp, sot sheshimderin joiýdy jáne ony tolyq aqtaýdy surady.
Kassatsiialyq sot bul ýájben kelisip, qylmysty jasyrdy degen aiyp jetkilikti dáleldenbegen degen qorytyndyǵa keldi.
«Sotqa deiingi tergep-tekserý barysynda naqty qandai hat-habarlamalardyń óshirilgeni, olardyń kimmen jazylǵany, mazmuny qandai bolǵany jáne olardy óshirý qylmys izin jasyrýdy qalai dáleldeitini anyqtalmaǵan», - dep málimdedi sot.
