Institýt Kaspii teńiziniń ekologiialyq jáne sý deńgeiiniń tómendeý máselelerin, itbalyqtar men balyqtardyń jappai qyrylý sebepterin, Kaspii itbalyqtarynyń popýliatsiiasyn saqtaý, ihtiofaýnany, akvatoriiasy men Kaspii jaǵalaýyn zertteitin bolady.
Sondai-aq, Kaspii boiynsha shekaralas memleketterdegi áriptestermen ózara tyǵyz is-qimyldy qamtamasyz etý baǵytynda da jumys júrgizedi.
Institýt Kaspii teńizi ekojúiesiniń barlyq baǵyttary boiynsha obektivti jáne táýelsiz aqparat jinaqtaidy.
Bul derekter memlekettik jáne jergilikti atqarýshy organdardyń keshendi is-sharalar qabyldaýy úshin negiz bolady. Sonymen qatar, ǵylymi uiym qurý Kaspiidi saqtaý jónindegi halyqaralyq jáne ulttyq mindettemelerdi tolyq kólemde oryndaýǵa múmkindik beredi.
– Memleket basshysy keshendi is-sharalar qabyldaý úshin Mańǵystaý oblysynda Kaspiidi zertteýmen ainalysatyn memlekettik ǵylymi institýt qurýdy tapsyrdy. Institýt qurý – máseleni jan–jaqty zerdeleýge, aýqymdy mindetterdi sheshýge múmkindik beredi, – dedi QR Sý resýrstary jáne irrigatsiia ministri Nurjan Nurjigitov.
