ينستيتۋت كاسپيي تەڭىزىنىڭ ەكولوگيالىق جانە سۋ دەڭگەيىنىڭ تومەندەۋ ماسەلەلەرىن، يتبالىقتار مەن بالىقتاردىڭ جاپپاي قىرىلۋ سەبەپتەرىن، كاسپيي يتبالىقتارىنىڭ پوپۋلياسياسىن ساقتاۋ، يحتيوفاۋنانى، اكۆاتورياسى مەن كاسپيي جاعالاۋىن زەرتتەيتىن بولادى.
سونداي-اق، كاسپيي بويىنشا شەكارالاس مەملەكەتتەردەگى ارىپتەستەرمەن ءوزارا تىعىز ءىس-قيمىلدى قامتاماسىز ەتۋ باعىتىندا دا جۇمىس جۇرگىزەدى.
ينستيتۋت كاسپيي تەڭىزى ەكوجۇيەسىنىڭ بارلىق باعىتتارى بويىنشا وبەكتيۆتى جانە تاۋەلسىز اقپارات جيناقتايدى.
بۇل دەرەكتەر مەملەكەتتىك جانە جەرگىلىكتى اتقارۋشى ورگانداردىڭ كەشەندى ءىس-شارالار قابىلداۋى ءۇشىن نەگىز بولادى. سونىمەن قاتار، عىلىمي ۇيىم قۇرۋ كاسپييدى ساقتاۋ جونىندەگى حالىقارالىق جانە ۇلتتىق مىندەتتەمەلەردى تولىق كولەمدە ورىنداۋعا مۇمكىندىك بەرەدى.
– مەملەكەت باسشىسى كەشەندى ءىس-شارالار قابىلداۋ ءۇشىن ماڭعىستاۋ وبلىسىندا كاسپييدى زەرتتەۋمەن اينالىساتىن مەملەكەتتىك عىلىمي ينستيتۋت قۇرۋدى تاپسىردى. ينستيتۋت قۇرۋ – ماسەلەنى جان–جاقتى زەردەلەۋگە، اۋقىمدى مىندەتتەردى شەشۋگە مۇمكىندىك بەرەدى، – دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
