Qytaiǵa baratyn qazaqstandyqtarǵa budan bylai qolma-qol aqsha nemese kartany alyp júrýdiń qajeti joq. Endi Kaspi.kz mobildi qosymshasy arqyly Qytai dúkenderinde, kafelerde, taksilerde jáne basqa da 80 millionnan astam núktede QR kod arqyly tólem jasaýǵa bolady, dep habarlaidy Dalanews.kz.
"Kóptegen qazaqstandyq Qytaida jumys isteidi, bilim alady jáne demalady. Biz súiikti tutynýshylarymyzdan shetelde tólem jasaý óz elimizdegidei ońai bolsa degen pikirdi jii nazarǵa alamyz. Sondyqtan AliPay+ kompaniiasymen seriktestik ornatyp, árbir qazaqstandyq úshin jańa qyzmetti iske qostyq. Endi Kaspi.kz mobildi sýperqosymshasynyń kómegimen Qytaidyń túkpir-túkpirindegi saýda núktelerinde kez kelgen taýar aqysyn tóleýge bolady. Biz seriktesimiz AliPay+ -ke seriktestik úshin, al súiikti klientterimizge bizben birge bolǵany úshin alǵys aitamyz!", – dedi Kaspi.kz basshysy ári negizin qalaýshylardyń biri Mihail Lomtadze.
Al Qytaidaǵy Ant International kompaniiasynyń bas direktory bul kópshilik úshin jaǵymdy jańalyq ekenin alǵa tartty.
"Alipay + Kaspi.kz paidalanýshylary úshin Qazaqstandaǵy jetekshi úzdik Kaspi.kz qosymshasymen seriktestik ornatqanyn qýana habarlaidy. Bul seriktestik Kaspi.kz-ti paidalanýshylar úshin saiahat pen satyp alý sapasyn jaqsartady.
Biz saiahat, saýda jáne kommertsiia arqyly adamdar men qaýymdastyqtardy jaqyndastyrý úshin innovatsiialyq tehnologiialarymyzdy damytýdy, qyzmet kórsetý sapasyn jaqsartýdy jalǵastyra bermekpiz", – dedi Qytaidaǵy Ant International kompaniiasynyń bas direktory (Venetia Lee, Greater China General Manager of Ant International) Venetsiia Li.
Tutynýshyǵa satyp alǵan zat aqysyn tóleý úshin Kaspi.kz qosymshasyn ashyp, AliPay+ qyzmetin tańdap, satýshyǵa QR kodty skanerleýge múmkindik berý qajet. Sonymen qatar satýshynyń QR kodyn skanerleýge bolady.
Kaspi QR kómegimen Qytaida satyp alǵan zat aqysyn qalai tóleýge bolatyny týraly tolyǵyraq Kaspi.kz mobildi qosymshasyndaǵy Gid bóliminen oqýǵa bolady.
