Kaspi.kz Humo tólem júıesiniń operatory bolyp tabylatyn «Ulttyq bankaralyq prosesıng ortalyǵy» AQ jarǵylyq kapıtalyndaǵy 100% memlekettik úlesti satý boıynsha saýdaǵa qatysýǵa qyzyǵýshylyq bildirdi. Tıisti hat Ózbekstan Respýblıkasynyń Memlekettik aktıvterdi basqarý agenttiginiń keńesshisi Deloitte halyqaralyq kompanıasyna jiberildi.
Humo – bul Ózbekstan men shetelde operasıalardy júzege asyrýǵa arnalǵan bank tólem kartalary negizindegi tólem júıesi. Humo tólem júıesi aıasynda 27 mıllıon HumoCard shyǵarylǵan, 6 400 bankomat jáne 210 myńnan astam termınal jumys isteıdi.
Mıhaıl Lomtadze, Kaspi.kz-tiń basshysy jáne negizin qalaýshylardyń biri:
«Ózbekstan ekonomıkasy qarqyndy damyp keledi jáne biz memlekettiń naryqtyq ekonomıkaqaǵıdattaryna ashyqtyǵy men jaqyndyq prınsıpi joǵary deńgeıde ekenin kórip otyrmyz.
Investorlar men Kaspi.kz sıaqty ashyq kompanıalar úshin tartymdylyqty arttyrýǵa baǵyttalǵan reformalar sátti júzege asyrylýda. Bizdiń ınvestorlar men aksıonerlerimizdiń qatarynda BlackRock, Fidelity, Capital International, Ballie Gifford jáne basqa da álemdegi eń bedeldi amerıkalyq jáne jahandyq tehnologıalyq kompanıalardyń ınvestorlary bar.
Biz Humo-nyń qazirgi bıznes modelin tólem tehnologıalary men qyzmetterin damytýdaǵy mol tájirıbemizben tolyqtyryp, damytýdy josparlap otyrmyz. Bul qolma-qol aqshasyz tólemderdiń ósýiniń katalızatory bolyp, ekonomıkanyń ósýine yqpal etedi.
Ózbekstanda Humo tólem qyzmetterin barlyq qatysýshylar úshin odan ári qoljetimdi jáne yńǵaıly etý úshin tehnologıalar men qyzmetkerlerge aıtarlyqtaı ınvestısıa salýdy josparlap otyrmyz. Bul ınvestısıalardyń nátıjesinde Humo qosymsha serpin alyp, óz tehnologıalyq múmkindikterin keńeıtedi jáne ınovasıalar salasynda kópshilikke úlgi bolady. Bul óz kezeginde Ózbekstannyń ınvestısıalyq tartymdylyǵynyń odan ári artýyna ákelip, el ekonomıkasyna sheteldik ınvestısıalardy tartýdyń draıveri bolady».
Kaspi.kz mısıasy – súıikti klıentter men seriktesterdiń ómirin jaqsartatyn álemdik deńgeıdegi ınovasıalyq ónimder men qyzmetterdi qurý. Kompanıa tólem júıesiniń operatory bolyp tabylady jáne Qazaqstanda elektrondyq komersıa, qolma-qol aqshasyz tólemder men qarjylyq qyzmetterdi usynady.
2024 jyly Kaspi.kz kompanıasy NASDAQ AQSH qor bırjasynda alǵashqy jarıa ornalastyrýdy (IPO) ótkizdi, bul AQSH-taǵy sońǵy eki jyldaǵy eń iri jarıa ornalastyrýlardyń biri boldy. Qazirgi ýaqytta kompanıanyń naryqtyq kapıtalızasıasy shamamen 24 mıllıard AQSH dollaryn quraıdy.
Garvard bıznes mektebi (Harvard Business School) birneshe jyl boıy magıstratýra stýdentteri oqyp kele jatqan eki oqý materıalyn jazdy, bul óz aldyna erekshe fakt bolyp tabylady. Halyqaralyq sarapshylar Kaspi.kz-ti azamattardyń ómirin jaqsartatyn tehnologıalardyń erekshe mysalydep sanaıdy.
