Kaspi.kz maqsatty modeldiń aıasynda QR Ulttyq Bankiniń Ulttyq tólem korporasıasymen biryńǵaı QR júıesine qosylý týraly kelisimge qol qoıdy, dep habarlaıdy Dalanews.kz.
Kaspi.kz basshysy jáne negizin qalaýshylardyń biri Mıhaıl Lomtadze bylaısha túsindirip ótti:
«Bıyl biz Ulttyq bankpen birlesip, ásirese operasıalardyń qaýipsizdigin qamtamasyz etý bóliginde belsendi jumys istedik. Biryńǵaı QR júıesine qosylý — Qazaqstanda keń, zamanaýı ári qaýipsiz tólem ınfraqurylymyn qurýdaǵy mańyzdy qadam. Súıikti klıentterimiz jaqyn arada kez kelgen banktiń QR-kody arqyly tóleı alady».
Biryńǵaı QR boıynsha tólemder Ulttyq Banktiń ortalyq ınfraqurylymy arqyly ótedi. Barlyq bankter bul ınfraqurylymǵa teń talaptarmen qosylady. Maqsatty model klıentter men kompanıalardy alaıaqtyq táýekelderinen eń joǵary deńgeıde qorǵaýdy qamtamasyz etedi.
