Kaspi Kassa – qazaqstandyq kásipkerlerge arnalǵan tegin servis
Mihail Lomtadze, Kaspi.kz-tiń basshysy ári negizin qalaýshylardyń biri:
«Qarjy ministrligimen jáne Memlekettik kirister komitetimen birlesip, biz jańa Kaspi Kassa biregei servisin ashtyq, onyń úsh qarapaiym artyqshylyǵy bar. Birinshiden, Kaspi Kassa – tolyqtai tegin servis. Ekinshiden, servisti tikelei Kaspi Pay qosymshasynda nebári 1 minýt ishinde onlain qosýǵa bolady. Úshinshiden, kez kelgen ádispen tólegen kezde barlyq chekter avtomatty túrde jasalady. Ótken jyly biz pilottyq jobany iske qosyp, súiikti klientterimizden kóptegen jaqsy pikirler aldyq. Biyl biz Kaspi Kassa pilottyq jobasyn ulǵaitýdy jalǵastyramyz. Qarjy ministrligi men Memlekettik kirister komitetindegi áriptesterimizge birlese jumys atqarǵany úshin taǵy da alǵys bildiremin. Osy jobanyń kómegimen biz qazaqstandyq kásipkerler, ásirese shaǵyn jáne orta biznes kompaniialary úshin biznesti júrgizý jaǵdailaryn birge jeńildetip, jaqsarta alatynymyzǵa senimdimin», - dep pikirin bildirdi.
Azamat Panbaev, QR QM Memlekettik kirister komiteti tóraǵasynyń orynbasary:
«Memlekettik kirister komiteti fiskaldyq derekterdi tegin berýdiń balama nusqasy máselesin pysyqtady. Nátijesinde kásipkerlerdiń shyǵynyn qysqartýǵa jáne fiskaldyq chek berýdi ońailatýǵa baǵyttalǵan ekinshi deńgeidegi banktermen osy mehanizmdi synaqtan ótkizý úshin pilottyq joba iske qosyldy. Buryn JK kassalyq qurylǵy úshin, ony qosý jáne qyzmet kórsetý úshin, sondai-aq fiskaldyq derekter operatorynyń qyzmeti úshin bólek aqy tóleitin. POS-terminaldardyń múmkindikterin keńeitý arqyly kásipkerler mundai shyǵyndardy qysqarta alady. Munyń bári Komitet júzege asyratyn servistik model tujyrymdamasy aiasynda júzege asyrylady».
Ashat Kabdýlov, jeke kásipker, LOFT barbershop:
«Buryn biz basqa provaiderdiń onlain-kassasyn qoldanatyn edik. Aldymen ony uzaq ýaqyt qosyp, ETsQ parolderin engizetinbiz, onda únemi bir aqaýlar bolatyn. Sodan keiin kassir barlyq chekti qolmen toltyratyn, buǵan kóp ýaqyt ketetin. Onyń ústine bul qyzmet úshin aqy tóleýge týra keletin. Kaspi Kassany biz birneshe sekýnd ishinde tegin qostyq, sondai-aq ony paidalanǵanymyz úshin eshteńe tólemeimiz. Al klientterimiz Kaspi Gold nemese Kaspi QR arqyly tólegen kezde, Kaspi Kassa chekterdi ózi jasaqtap, olardy klientterge Kaspi.kz qosymshasyna avtomatty túrde jiberedi. Bul tólemderdi qabyldaý boiynsha eńbek shyǵynymyzdyń týra 80%-ǵa qysqarǵanyn bildiredi!»
Kasymhan Ali, jeke kásipker, oqytýshy:
«Maǵan tegin kassany áp-sátte qosýǵa bolatynyn, endi chekterdi qolmen toltyrýdyń qajeti joq ekenin aitqan kezde, men senbedim. Munyń shyndyq ekenine seni múmkin emes! Men birden býhgalterimizge, Kaspi.kz-ke, salyq organyna telefon soqtym. Bul ras bolyp shyqty! Qostyq, qoldanyp júrmiz, óte yńǵaily. Kaspi Kassamen barlyq tólemderdi avtomattandyrdyq, bul rasymen de qýantady!»
Kaspi Kassa – bul Kaspi Pay mobildi qosymshasyndaǵy tegin servis, ol Kaspi POS, basqa banktiń POS-terminaly arqyly jáne qolma-qol aqshamen tólem qabyldaǵannan keiin fiskaldyq chekterdi qalyptastyrady. Servisti 1 minýt ishinde onlain qosýǵa bolady. Jańa Kaspi Kassa servisiniń kómegimen QR arqyly, qolma-qol aqshamen, kartamen nemese qashyqtan aqy qabyldaýǵa bolady. Aqshalai esep aiyrysýdyń barlyq túrleri boiynsha onlain-chekter avtomatty túrde qalyptastyrylady jáne Memlekettik kirister komitetine jiberiledi jáne munyń bári tegin. Kásipkerler úshin bul jumysty jeńildetedi jáne shyǵyndaryn únemdeidi. Memlekettik kirister komitetine «kóleńkeli» ekonomikamen kúresýge jáne biýdjet kirisin arttyrýǵa kómektesedi.
Pilottyq jobanyń alǵashqy kezeńinde Kaspi Kassany «Qyzmetter» sanatynda jumys isteitin kásipkerler qosa alady. Jaqyn arada taýarlar nomenklatýrasyn qosa otyryp, Kaspi Kassa barlyq kásipkerler úshin qoljetimdi bolady. Servis týraly tolyǵyraq Kaspi Gidten qarańyz.
