Túrkistan oblysynda polısıa bopsalaý qylmysyna kúdikti blogerdi ustady, - dep habarlaıdy Dalanews.kz.
Túrkistan oblysynda jergilikti kásipkerden aqsha bopsalady degen kúdikpen shymkenttik bloger ustaldy.
Er adam áleýmettik jelide jábirlenýshiniń bedeline nuqsan keltiretin málimetterdi jarıalaımyn dep qorqytyp, odan 2000 AQSH dollaryn alyp, taǵy 4 mıllıon teńge talap etkeni anyqtaldy.
"Jedel ýákilder jedel izdestirý is-sharalarynyń nátıjesinde blogerdi Saıram aýdany kafeleriniń birinde 6900 AQSH dollary somasynda aqsha alyp jatqan sátinde ustady. Osy fakti boıynsha sotqa deıingi tergeý amaldary júrgizilip jatyr. Kúdikti ýaqytsha ustaý ızolátoryna qamaldy. Barlyq mán-jaılardy anyqtaýǵa baǵyttalǵan tergeý is-sharalary jalǵasady", - dedi İİM ókilderi.
