Qarajat shuǵyl kómek kórsetýge, sondai-aq tótenshe jaǵdai saldarynan zaqymdanǵan ári qiraǵan turǵyn úi qurylysyna jáne mańyzdy infraqurylymdardy qalypqa keltirýge baǵyttalady, dep habarlaidy Dalanews.kz.
"Búkil Qazaqstan sý tasqynynan zardap shekken aimaqtardaǵy jaǵdai jaqsarýy úshin qoldan kelgenniń bárin jasaýda. Birqatar eldi mekende qutqarýshylarmen, áskerilermen, eriktilermen, qoǵam belsendilerimen birge bizdiń seriktestikterdiń jedel brigadalary táýlik boiy qyzmet kórsetedi. Tehnikalyq kómekten bólek, Memleket basshysynyń úndeýin qoldap, sý tasqynynyń zardaptarymen kúresý úshin qarajat jiberemiz. Biz úilerin tastap ketýge májbúr bolǵan jáne úileri zardap shekken azamattarǵa shyn júrekten janashyrlyq tanytamyz", - dedi Sergei Kan.
Aita keteiik, buǵan deiin Atyraý oblysy Jylyoi aýdany Qulsary qalasynda 3 myńǵa jýyq úi sý astynda qalǵany habarlandy. Bul - Qazaqstannyń Tótenshe jaǵdailar ministrligi keltirgen derek.
Sý tasqynyń saldaryn joiýǵa 231 tehnika, 1198 jeke quram, 18 júzý quraly, 19 birlik motopompa jumyldyrylǵan.
Atyraý oblysy Qulsary qalasynan jalpy sany 33 641 adam kóshirildi jáne 201 ýaqytsha ornalasý oryndary daiyndaldy.
Jalpy sany 84 qońyraý túsip, 173 adam qutqaryldy, onyń ishinde 15i - bala. 248 mal basy jáne 27 úi janýarlary qaýipsiz oryndarǵa kóshirilgen.
