Tuǵyrdyń eń joǵary satysyna Qaisar Alpysbai (60 kelige deiin) jáne Nurqanat Ájiqanov (75 kelige deiin) kóterildi.
Qyzdar arasynda Sofia Berýltseva (68 keliden joǵary) altyn medal jeńip aldy.
Didar Ámiráli (67 kelige deiin), Móldir Jańbyrbai (50 kelige deiin), Gúlmira Úsenova (55 kelige deiin) jáne «kýmite» boiynsha erler komandasy kúmis medal jeńip aldy.
Jolaman Biǵabyl (55 kelige deiin), Liia Qoshqarbaeva («kata» jattyǵýy), Daniiar Iýldashev (84 kelige deiin) jáne Abylai Tóltai (84 keliden joǵary) qurama qorjynyna qola medal saldy.
Jarysqa barlyǵy 31 elden 400-den astam karate sheberi qatysty. Qazaqstannyń namysyn 19 sportshy qorǵady. Bizdiń qurama jalpymedaldyq esep boiynsha birinshi orynǵa kóterildi.
– Sportshylardyń árqaisysyn qurlyqtyq birinshilikte jeńip alǵan marapattarymen quttyqtaimyn! Bul shynymen de tarihi nátije. Komandanyń jattyqtyrýshylar quramyna alǵys aitqym keledi. Qazaqstan quramasyna jeńis tuǵyrynan túspei, aldaǵy Aziia oiyndarynda da osyndai nátije kórsetýge tilektespin. Mundai jetistik kóptegen jas karateshilerdi bolashaqta úlken jeńisterge shabyttandyrady, dep úmittenemin. Al, biz sportshylarymyzǵa barynsha qoldaý kórsetýdi jalǵastyramyz, – dedi Mádeniet jáne sport ministri Ashat Oralov.
